Wala mihilak

CEBU, Philippines – Gipaambit ni Miss Universe Philippines Gazini Ganados nga wala ra siya gibati og hilabihang kaguol human pakyas nga naangkon ang korona sa Miss Universe 2019. “I am not sad because I know I did my best. I didn’t even cry. My mom was the one who cried for me. I’m fulfilled with the things I’ve already done,” sigon pa ni Gazini.

Second child

Nanganak na ang Kapuso star nga si Kylie Padilla sa ikaduha nilang liwat ni Aljur Abrenica.  Natawo si baby Axl Romeo niadtong Lunes, duha ka adlaw sa dili pa ang wedding anniversary ni Aljir ug Kylie. Daling ni-post si Kylie sa Instagram sa hulagway sa bag-ong himugso niyang anak.

Wala nalain

Giasoy sa aktres nga si Carmina Villarroel  nga wala siya nalain nga gihulipan siya ni  Sunshine Cruz para sa horror film nga The Heiress nga gipasalida niaging buwan.“Ang sa akin lang sayang naman kasi parang I was looking forward to it. Sobrang excited ako na makatrabaho si Ate Marya [Maricel], first time ko with Janella... but no hard feelings,” angkon pa ni Carmina.

Lima na katuig

Nihimo og balak ang singer nga si Ice Seguerra para ngadto sa iyang asawa nga si Liza Diño atol sa pagsaulog nila sa  ilang 5th wedding anniversary. Gikasal ang duha didto sa California, USA niadtong 2014. “Posible palang mas lalo pa kitang mahalin sa bawat araw na magkasama tayo. Ikaw lang noon, ngayon, at habangbuhay. Happy 5th wedding anniversary, mahal ko. I love you so much!” Caption pa sa singer sa gi-post nga poem niini.

Angayan atangan

Bukas sa posibilidad nga moapil sa Miss Universe Philippines 2020 ang kasamtangan nga Bb. Pilipinas International 2019 Patch Magtanong karon nga dili na ang Binibining Pilipinas Charities, Inc. ang franchise holder sa Miss Universe Philippines. “I’m not closing any doors. I’m the type of person na if there’s any opportunity and I see that’s best for me to make me a better person, I’ll do it,”asoy pa ni Patch.

Nakigkita sa artists

Nasigpatan nga nakig-jam si John Lloyd Cruz ngadto sa rock singer nga Dong Abay ug Eraserheads lead guitarist nga si Marcus Adoro. Kahinumduman nga bag-o lang ni-venture ang actor sa local music scene diin no-direk siya sa labing una niyang music video para para sa Sugar Hiccup song nga “Saturnine Nevermore”.

Historical

Nakaangkon og tulo ka nomimations ang South Korean film nga Parasite para sa 2020 Golden Globe Awards. Mao kini ang Best Director, Best Screenplay ug Best Motion Picture for the Foreign Language category.Makasaysayanon ang maong nominasyon sanglit mao man kini ang labing una nga South Korean film nga nominado sa Golden Globe Awards nga mahitabo karong Enero didto sa California.

Mother-Daughter bonding

Nalingaw kaayo sa ilang bakasyon si  Cristine Reyes ug anak niini nga si Amarah Khatibi didto sa Europe sama sa France, Finland ug the United Kingdom. Pagka karon, tua na sila sa France nagsuroy-suroy. Gi-upload ni Cristine sa social media ang ilang mga hulagway.

Nibalik pag-arte

Human sa usa ka dekada kapin nga nipahuway, nibalik og trabaho sa showbiz ang aktres nga si Priscilla Almeda o mas nailhan kaniadto isip Abby Viduya. Kasamtangan nga midala karon ang aktres isip Krista Sandoval sa top-rating teleserye nga FPJ’s Ang Probinsyano. Nilaylo sa trabaho sa showbiz Priscilla kaniadto human nakahukom nga didto na mopuyo sa laing nasud.