Nag-expect ang fans

CEBU, Philippines — Gikastigo ni Angelica Panganiban ang pamunuan sa sunday musical-variety show nga ASAP Natin ‘To sa kapakyas niini sa pag-anunsyo nga wala siya'y apil sa mga Kapamilya artists nga moperform didto sa Rome, Italy karong Dominggo. “@asapofficial meron din po akong supporters…. at iba po sa kanila bbyahe pa.matagal niyo ng alam na wala ako sa asap rome. Bakit hindi kayo nag announce? (Sorry for taking it on social media, hindi ko din to na expect),"post pa ni Angelica.

Mga artista mitabang

Niapil ang male celebrities sa basketball for a cause nga gipasiugdahan ni Kawit Mayor Angelo Emilio Aguinaldo nga nag-ulohan og 1st Aguinaldo Cup exhibition sa miaginga dlaw  didto sa Tangulan Arena sa Kawit Municipal Hall. Ang halin sa maong event i-donate sa mga biktima sa linog sa Mindanao. Pipila sa niapil mao silang Marco Gumabao, Van Ong, Jason Abalos, Gab Lagman, Mark Herras, Axel Torres ug Joseph Marco.

Congratulations  Ethel!

Gideklarang “Tawag Ng Tanghalan” Celebrity Grand Champion sa It’s Showtime niadtong Sabado, Nobyimbre 9 ang komedyanteng si Ethel Booba. Gipildi ni Ethel silang Jason Fernandez ug Roxanne Barcelo. Giawit niya ang “What Kind of Fool Am I?” ni Sammy Davis ug ang “Never Ever Say Goodbye” ni Nonoy Zuñiga.

Nauyonan ni Nora

Nauyonan ni Superstar Nora Aunor ang Kapuso actress nga si Sanya Lopez ug buot niini nga mao kini modala sa bag-ong Super Gee remake. Si Super Gee kay usa ka superheroine niadtong 1972 sa Darna Komiks nga gidala ni Ate Guy sa action fantasy movie niadtong 1973.

Nilugwa sa birthday party

Nitambong si Gretchen Barretto sa birthday party sa inahan ni Atong Ang nga si Catalina Ang  niadtong Sabado didto sa Manila Arena. Sa hulagway nga gi-post ni Gretchen sa Instagram, makita nga nitambong sab sa maong selebrasyon ang longtime partner sa aktres nga si Tonyboy Cojuangco, inahan nga si Inday, ug mga igsoon nga silang Claudine ug JJ. Kahinumduman nga nahimong kontrobersiyal ang mga nahisgutang pangalan  gumikan sa   panagsungi sa Barretto sisters.

Target ang Pilipinas

Nanghinaot ang  sikat nga South Korean director   nga si Jeon Go-woon nga  makagama og pelikula dinhi sa Pilipinas. Nasayran sa direktor nga nindot  gyud  nga lugar ang Pilipinas sanglit  nagbaha ang tourist spots niini. 

Midepensa sa casting

Gidepensaan ni direk Giancarlo Abrahan ang desisyon niya nga mokuha og mga gay actors para modala sa giluto niyang pelikula nga ‘Sila Sila’ ubos sa Cinema One Originals. "Why would we let other people tell our stories, ba't hindi na yung mga bakla ang magkuwento ng mga kuwentong bakla? Bakit tayo pipili ng iba? What better way to present the community with our own talaga,"asoy pa niini.

Natuman na gyud

Natuman na gyud matod pa ang pangandoy ni Crisanto Aquino nga maka-direk og kaugalingong pelikula ug mao kini ang ‘Write About Love’ nga entry  sa 2019 Metro Manila Film Festival. Nahimo nga  assistant director  si Crisanto  sa mga sikat nga direktor sa nasud ug nahimo na siyang extra sa mga pelikula ug mga salida sa telebisyon.

Nakat-onan ni Alex

Nikomento na gyud ang gwapong aktor nga si Axel Torres kalabot sa nikatap niya nga sex scandal tulo ka tuig na ang nilabay.“Saka kung may gagawin ka na isang bagay, pag-isipan mo ng once, twice, thrice, four times kasi after mo nagawa yun, hindi mo na maibabalik," sigon pa ni Axel.