Salamat…

Hugyaw nga Domingo mga BisChikadora! Ang akong kasingkasing napuno sa kalipay ug pasalamat kay nagmalampuson ang mga activities sa dili pa ang akong birthday. Una, ang Dance Party for a Cause, Ikaduha, tulo ka adlaw  ang among batch76 sa OasisOfLoveCebu nga nag-serve sa Walking with Jesus Seminar para sa Batch 77. Ikatulo, ang birthday feeding sa mga bata sa Missionaries of Charity Home of the Sick and Malnourished Children sa Suba Pasil. Salamat sa pagsuporta nga kini magmalampuson.

Nalipay usab ang atong mga lolo ug lola sa gidala natong pagkaon. Plus, ang mga donations in kind nga atong gi-turn-over sa mga madre dako kining tabang para kanila. Pakpak!

On the side, nakaraket pa kita sa Banlasan, Tubigon, Bohol. Usa ka variety show ang atong gipahigayon. Nilabang sa Santa, Fe pagkahuman nitikang sa Trinidad, Bohol para mo host sa Mr and Ms. TMC Personality 2019.

Naka-ingon ko ang tanang kusog nako para mabuhat ang tanang activities kay gihatag kini ni Lord. Bahala’g magdukaduka, sakit ang hawak, apan para kay Lord ang tanan mawagtang. Wala koy laing masulti kun dili, “Thank you Lord” for making my birthday full of Love and Kindness. Amen!

Speaking of Love and Kindness, Thankful usab kaayo ang inyong Yur’s truly kay nakadawat kita og mensahe gikan ni Mam Joan Nepangue usa sa mga abtik nga konsehal sa Santa Fe, Cebu, ug ang tag-iya sa Beach Placid Resort and Restaurant kun available ko mag-host sa 4th Year Anniversary sa MJ Square kay aduna sila’y ipahigayon nga Singing Idol. Basta pasok sa schedule kinsa man ko mo say no? Ako pa? Duol sa akong heart ang Santa Fe ug si Maam Joan nga among giisip nga second mother

Tuod man, nilarga ko Santa Fe, Cebu nga excited kaayo. From the Port gisugat ko og service van sa Beach Placid Resort and Restaurant nga very VIP treatment ang peg oi! Nag-breakfast, lunch, nisuroy sa resort, selfie diri, emote didto unya nag-beauty rest. Pagkahapon kay gihatod ko sa MJ SQUARE kauban si Maam Joan. Pag-abot nako sa venue naka-ingon ko ka hugyaw, mura’g kanus-a lang nga nag-celebrate ang BANATanay Live na Live sa 1st year Anniversary,  karon I am back para makigsaulog sa ilang 4th  Anniversary. BisChika pa ni Maam Joan gihimo niya ang MJ Square para makahatag kini og trabaho sa mga locals.

Saludo ako kanimo, Maam Joan. Ang Singing Idol adunay tulo ka category. Kids, Adult ug ang Champion of Champions. Matag category adunay 11 ka contestants apan tulo lang niini ang mananaog. Isip talent scout sa GMA Artist Center nakita nako ang potentials sa talento sa mga Bantayanon. Maghinaut ko nga magpadayon si Maam Joan og suporta sa mga local talents. Usa kini ka way nga maka-discover og real talents.

Congratulations sa tanang winners ug sa MJ Square Happy 4th Anniversary!!! See you all next year....