#Barrettoserye
CEBU, Philippines — Wala damha nga nisimang ang away sa Barretto sisters sanglit adunay mga tawo nga kalit nga nalambigit niini.
Sila mao ang mag-inahang Ruffa Gutierrez ug Annabelle Rama.
Nagsugod ang tanan, human nikomento si Ruffa sa IG post ni Julia Barretto niadtong Miyerkules sa buntag. Dagway sa young actress ang iyang gi-upload, ug may caption nga: Morning Selfies.
Nikomento si Ruffa niini nga nagkanayon: “Freshhhhhh.
Nakakita diay si Gretchen Barretto nianing maong komento ug nag-post kini sa iyang IG stories nga nagkanayon: “sawsaw pa more, “Ruffy!! take it take it,“WOW!!”
Ang “Take It, Take It” nauso niadtong 1994 atol sa Metro Manila Film Festival scandal diin inay si Aiko Melendez ug Edu Manzano maoy nidaog nga best actress ug best actor, si Ruffa ug Gabby Concepcion maoy gisulti ni Miss Mauritius 1993 Viveka Babajee.
Lakip sab sa presenter niadtong tungora si Gretchen kinsa klaro kaayong nakugang nganong lahi nga winners ang gianunsyo. Nahimo pang testigo si Gretchen sa imbestigasyon nga gipahigayon nga niresulta sa pag-uli nila ni Ruffa ug Gabby sa ilang premyo.
“Precious Time”
Human sa maong IG stories ni Gretchen, gitambagan ni Annabelle ang iyang anak nga dili na lamang niini tagdon ang maong komento, ang importante matud pa nga naa ang iyang pamilya nga nagmahal niya.
“Tama, huwag mo na patulan ‘yan. “Don’t waste your precious time! Basta mahal ka namin ng family mo, ‘yon ang importante!”
Tubag sab ni Ruffa: “@annabelleramaig is this really you mother dear? I love you too awwww? THANK YOU. #family”
“Kawawa Ka Naman”
Apan kagahapon sa buntag, lahi na ang tonada ni Annabelle. “Kawawa ka naman. Halos wala ka ng kakampi. Halos buong mundo, isinusumpa ka.”
“Nananahimik kami, bakit galit ka sa comment ng anak ko, masama bang magcomment ng positive?
“Bakit ka ba nagwawala, hindi naman tungkol sa’yo ang comment?!”
Suma pa ni Annabelle, angayan nga ang kalagotan ni Gretchen mao ang nag-upload og hulagway niini kauban si Atong Ang samtang didto sila sa airport ug dihang nagsakay sab sila og eroplano nga naggunitay sa kamot.
“Dapat kang magalit sa mga nagpost ng pictures n’yong dalawa ng boyfriend mo na nasa airport kayo hanggang sa airplane.
“Ayaw kong pahabain pa itong sagot ko sa’yo. Magbasa ka na lang ng bad comments ng netizens about you at doon ka mag-react!”
Nothing wrong with these photos.
Apan si Gretchen sa bag-o niyang IG stories nisalikway sa malisya kabahin sa mga hulagway nga gihisgutan ni Annabelle.
“Unaware” matud pa siya kay tataw nga nakatulog siya sa eroplano.
“Nothing wrong with these photos,” ni Gretchen pa. “Fully clothed, no naked photos like of Marjorie Itchie-very.”
#BarrettoSisters
Nipasangil si Gretchen Barretto ngadto sa iyang manghod nga si Marjorie ug pag-umangkon nga si Julia nga niamot sa hospital bills sa iyang amahan nga si Miguel kay tinguha nila nga makuha ang balay sa namatay.
Matud ni Gretchen, bugti matud pa sa gitampo nila ni Marjorie ug Gretchen balay sa nipanaw nga si Miguel nga nahimutang sa Subic, Zambales.
Kining tanan maoy giluwatan ni Gretchen sa iyang IG stories niadtong Miyerkules sa gabii.
“Ask Marjorie itchie-very
“How much did you contribute to pay for the hospital bill od dad?
“50k?
“Julia? 500k.
“But you asked for pikey subic home in return for the 500k.”
Pikey ang tawag sa mga apo nga Barretto sa ilang lolo.
Kahinumduman nga 16 ka adlaw nga na-confine si Miguel sa tambalanan. Wala makaduaw si Gretchen kay niya pa dili siya buot nga magkagubot sila ni Marjorie.
Dante Ang, naapil
Samtang niadtong Miyerkules niluwat sab og pamahayag ang bilyonaryong si Dante Ang kabahin sa istorya nga naglambigit kaniya kang Julia Barretto.
May mga huhungihong nga kabit si Julia sa negosyante, istorya nga hugtanong gihimak ni Ang.
Suma pa niini sa usa ka official statement, wala pa niya mahimamat si Julia sukad-sukad. Gihulagway ni Ang nga malisyoso ang maong istorya. Kun buot hunahunaon niya pa, maisip nga apo lang niya si Julia.
Si Ang nag-edad og 65 anyos, samtang si Julia 22.
“Never ko pa po nakilala si Julia Barretto. Nakita niyo naman po ang edad niya, parang apo ko na. Kaya ito pong mga istorya na ito ay ‘malicious,” tipik sa pamahayag ni Ang nagkanayon.Dugang pa niini, dili na angayan nga tagdon pa ang maong istorya.
“Huwag na po natin pagbigyan ng pansin, at mas marami pa po tayong kailangang gawin para mapabuti ang bansa natin. Siguro, paglaki pa ng kaunti ng mga sarili kong apo, puwede silang maging magkakaibigan.”
“I’m Scared Rico”
Viral sab si Claudine Barretto kagahapon gumikan sa nikatap niya nga video nga niduaw sa lubnganan sa kanhi niya uyab ug ka loveteam nga si Rico Yan.
Base sa video, nahitabo kini sa wala pa namatay ang amahan ni Claudine nga si Miguel.
Sa maong video, nakita nga naghilak si Claudine nga nagkanayon, “I’m scared Rico”. Nihangyo si Claudine nga tabangan ni Rico ang iyang amahan.
Ang video adunay background music nga “Hindi Kita Malilimutan”.
Gumikan niini, naputos og pagsaway si Claudine nganong giapil-apil pa niini ang nagmalinawon na nga si Rico.
- Latest
