Gisurpresa ang fans

CEBU, Philippines – Gisurpresa ni Alex Gonzaga ang pipila niya ka fans. Gibisita niya ang iyang mga fans atol sa iyang pagsaulog sa iyang ikaduha nga tuig isip usa ka vlogger. “Instead na ako ang sinu-surprise ng mga subscribers ko...

this year naisip ko what if ako ang mag-surprise sa kanila, mag-give back sa kanila”, suma pa ni Alex.

Excited sa ball

Nangandam gyud   pag-ayo ang bag-ong Kapamilya actor  nga si Seth Fedelin alang sa ABS-CBN Ball 2019. Unang higayon kini nga makatambong ang aktor sa maong prestihiyoso nga kalihokan. Gisugdan na niya ang  pagpatahi sa  iyang sul-ubon .  Excited sab siya gumikan kay makauban niya si Andrea Brillantes isip iyang  ka-date.

Unta magpadayon

Nanghinaot si Gerald Anderson nga unta magpadayon ang tradisyon sa All-Star games sa ABS-CBN matag tuig. Matud pa ni  Gerald nga stress reliever kini sa mga artista nga kanunay nga hago sa mga proyekto.“Andito lang naman ako sa Star Magic. Sana magawa namin ito every year kasi magandang inspiration ito sa mga bata kasi lang kami artista, naglalaro kami. Lahat ng tao nag-chi-cheer for both teams”, suma pa ni Gerald.

Mobalik sa pagkanta

Mobalik na sa pagama og kanta si Khalil Ramos. Matud pa ni Khalil nga taud-taud siya nga wala na nakakanta gumikan kay na-busy siya sa  pag-produce og online content. Karon nga nakapirma na siya og kontrata sa  Cornerstone Records, hatagan na niya og pagtagad ang musika.

Wala gyud

Gikataw-an lang ni RK Bagatsing ang pangutana kun nakadawat na ba siya og indecent proposal. “Nagtataka nga ako, bakit wala, eh,Alam mo, tinatanong ko nga ang sarili ko, ‘Hot ba ako? Hindi ba nila ako gusto? Hindi ba ako deserving sa ganun?’ It’s not that I’m going to say yes pero wala, eh”, nagkatawa nga tubag ni RK.

HLG: the novel

Gilusad na ang nobela nga inspirasyon sa  karakter nila ni Alden Richards ug Kathryn Bernardo sa ‘Hello, Love, Goodbye”. Ang titulo niini mao ang ‘Hello, Love, Goodbye: The Novel’ nga sinuwat sa award-winning novelist sa Palanca nga si Charmaine Lasar.

Nakahubo sa shorts

Daghan ang nakasaksi sa dihang nakahubo si Jhong Hilario sa iyang shorts didto sa Araneta Coliseum atol sa All-Star Games 2019. Kabahin si Jhong sa Team It’s Showtime. Sa wala pa siya mi-shoot sa bola sa ring, nagpakitang gilas pa kini ug wala niya nabantayan nga nakahubo na siya sa iyang shorts. Nahugyaw ang tibuok Araneta. Nakakuha sab si Anne Curtis og video sa maong panghitabo.

Dili makalimot

Gisaysay ni Francine Diaz nga lisod gyud ang ilang kinabuhi sa dihang wala pa siya makasulod sa showbiz. Dili niya makalimtan sa dihang naligo siya ug ang iyang gi-shampoo sa iyang buhok mao ang sabon nga panglaba nga gigamit sa iyang inahan.

Naglisod kang Gerald

Gitug-an ni Ion Perez nga naglisod gyud siya og bantay ni Gerald Anderson atol sa All-Star Games niadtong Domingo.  “Halos lahat naman kasi sila mahirap bantayan pero ang pinakamahirap talaga bantayan si kuya Gerald Anderson kasi siyempre naglalaro siya sa MPBL (Maharlika Pilipinas Basketball League) at saka nag-te-train talaga siya”, suma pa ni Ion.