Happy ang kasingkasing

CEBU, Philippines — Happy karon si Yen Santos sa iyang kinabuhi. Matud pa niya nga aduna siya’y inspirasyon karon. Gikumpirmar  niya nga duna siya’y gi-kadate karon. Exclusively dating sila karon ug nagdumili siya pagbutyag sa identity niini.

New inspiration

Wala gyud nakaikyas si Karla Estrada sa pangutana kun kumusta na ang iyang kasingkasing karon. Spotted ang bag-ong inspirasyon ni Karla nga mitambong sa selebrasyon sa negosyo sa anak niya nga si Daniel Padilla. Usa ka non-showbiz guy ang naghatag og kalipay karon ni Karla.

Kumpirmado na

Gikumpirmar sa Dreamscape Entertainment nga si Yam Concepcion na ang bag-ong mogunit sa karakter nga Dana Wong sa ‘Love Thy Woman’ kinsa gihuptan og una ni Erich Gonzales. Nasayran nga si Erich mismo  ang niundang sa maong proeykto.

Bagong tandem

Si Rafael Rosell ug Yen Santos ang bag-o nga gimugna karon nga tandem. Ang duha aduna nay una nga proyekto nga saw-an. Una na nga nabalita dinhi sa Banat News Hugyaw  nga magpares sa  episode sa  ‘Maalaala Mo Kaya’ karong gabii.

Padayon lang

Lumalaban gyud si Bea Alonzo sa  iyang karera. Gisugdan na ni Bea ang iyang trabaho sa usa ka pelikula kun diin makauban niya sila si Richard Gutierrez ug Angelica Panganiban. Alang kang Bea, “life must go on”.

Gibisita ang boyfriend

Gibisita ni Dionne Monsanto ang iyang boyfriend sa Switzerland nga si Ryan Stalder. Anaa sa maong nasud ang aktres aron magbakasyon sulod sa usa ka buwan. Mao kini ang magsilbi nga pagpahuway sa aktres human sa pagtrabaho sa pelikula nga ‘Mina-anud’.

Conservative ang bf

Gitug-an ni Aiko Melendez sa press nga sobra  ka conservative ang iyang boyfriend nga si Zambales Vice Governor Jay Konghun. Masuko daw kini kun  makita ang iyang cleavage. “Oo. Nagagalit siya. Tulad sa suot ko ngayon, text nang text sa akin,” saysay pa ni Aiko.

Kaagi ni Heart

Giasoy ni Heart Evangelista nga nasinati sab niya  na-bully kaniadtong tinun-an pa siya sa high school. Tungod sa pang-bully sa iyang mga kauban sa klase, nakasuway siya og kaon  sulod sa  CR. Mao kini ang rason ngano nag-home study na lamang siya.

Gimugnaan og kanta

Gipaambit  ni Moira dela Torre nga suwatan niya og kanta ang Idol Philippines winner nga si Zephanie Dimaranan. Matud pa ni Moira nga tiwasunon na lamang niya ang gimugna nga awit aron ma-record na nila kini.