“My Destiny” gi-ere sa kazakhstan

CEBU, Philippines – Gi-ere  na sa usa ka TV Network didto sa Kazakhstan  ang  Kapuso romantic drama series nga My Destiny nga gibidahan nila ni Carla Abellana, Tom Rodriguez, Sid Lucero ug Rhian Ramos.

Ang maong teleserye maoy ikatulo nga programa sa GMA-7 nga gi-ere  TV Network nga TV7 nga nagbase sa maong nasud.  Nasayran nga gipasalida usab sa maong network kaniadto ang  Beautiful Strangers ug Because of You.

Dili pa lang dugay, gipasalida usab  sa laing istasyonan sa Kazakhstan  ang laing Kapuso series nga Legally Blind.

Jung Hae-in mobalik sa nasud

Nagmaya og maayo ang K-Drama fans human niulbo ang balita nga mobalik sa Pilipinas ang South Korean actor nga si Jung Hae-in.

Tipik kini sa iyang  One Summer Night Fan Meeting Tour 2019  nga mahitabo karong September 28, 2019 sa  New Frontier Theatre.

Ang ulahi niya nga television series mao One Spring Night kauban sila si Han Ji-min ug Kim Jun-han.