Gipahibalo na

CEBU, Philippines – Gipagawas na ang unang upat ka mga official entries  sa  2019 Metro Manila Film Festival. Magbangga ang mga pelikula  nga Kampon (Derek Ramsay ug Kris Aquino), Momalland (Anne Curtis ug Vice Ganda),  Mission Unstoppable (Maine Mendoza ug Vic Sotto) ug The Miracle in Cell No. 7 (Nadine Lustre ug Aga Mulach). Gikatakdang ianunsyo usab sa musunod nga mga semana ang laing upat nga pelikula nga mokumpleto sa listahan sa official entries sa maong tinuig nga film festival.

Misuway og tungtong

Sa wala pa siya nahimong artista sa GMA-7, giangkon ni  Alden Richards nga nisuway siya og-audition sa pipila ka mga reality show sa ABS-CBN kaniadto.   Bida  karon si Alden sa Kapamilya movie  nga Hello, Love, Goodbye uban ni Kathryn Bernardo. “Actually, hindi po ito yung una kong pagtapak sa ABS. I was 14, nag-audition din po ako sa mga reality shows ng ABS-CBN,”asoy pa niini.

Mibalik sa syete

Nibalik sa nataran sa GMA-7 network ang “Halik” actress nga si Almira Muhlach human sa 12  ka tuig nga nawala sa maong network. Malakip  ang aktres sa upcoming Kapuso afternoon series nga Madrasta nga pagabidahan nilang Juancho Trivino, Arra San Agustin, Thea Tolentino, ug Phytos Ramirez.

Nanghatag og gatas

Nidonar  sa iyang kaugalingon nga breast milk ang Kapuso actress Marian Rivera ngadto sa The Parenting Emporium, usa ka organisasyon nga nagtudlo og  proper parenting. Sigon pa sa aktres, ang iyang bana nga si Dingdong Dantes ang naghatag kaniya og ideya nga modonar sa kaugalingon niyang gatas ngadto sa mga inahan nga nagkuwang og gatas sa ilang suso.

Nag-shopping sa HK

Niadto si Vice Ganda sa Hong Kong aron lang mag-shopping sulod sa usa ka adlaw. Giasoy niini nga mas makatarong matod pa siya og pamalit didto sa Hong Kong kaysa didto sa Manila nga daghan ang nakaila kaniya. “Mahirap mamili sa Maynila. Hindi naman sa umaarte kami or umaarte ako kaya lang siyempre kung magmo-mall sa Maynila, kaunti lang ang oras tapos ang daming magpapa-picture di ka naman makatanggi, eh ako na lang mag-a-adjust,” pasabot pa niya.

Andam na

Gipaambit sa komedyanteng si Eugene Domingo nga hapit na kaslon  sa Italian boyfriend nga si Danilo Bottoni  kinsa usa ka film critic. Giasoy sa komedyante nga tulo ka tuig na silang uyab sa maong Italyano “We’re almost there. It’s, like, he is my life. Nasa tamang edad na po ako para magpakasal,”niya pa.

Mapasalamaton kang Dimples

Nagpasalamat si Beauty Gonzalez ngadto sa co-star niya sa Kadenang Ginto  nga si Dimples Romana tungod sa tabang niini nga mas mahatagan og kinabuhi ang papel niya isip Romina nga  number one afternoon series sa ABS-CBN.”I wouldn’t be Romina right now if it wasn’t for you. Thank you talaga. Kasi hindi naman ako gagaling as Romina kung hindi niya ako sinusundutan ng bongga,”niya pa.

Pagyukbo  sa amahan

Gihandum ni Eric Quizon ang 7th death anniversary sa iyang amahan nga si Dolphy, ang nailhang Comedy King sa nasud. Nag-post si Eric sa social media og maundanon nga mensahe ngadto sa namatay nga amahan.“We celebrate you today not because it’s your death anniversary but because of your undying effect on everyone. You will always be loved my dearest Dad!” tipik pa sa post niini.

Dili sayon

Gipaambit sa Magandang Buhay momshie Karla Estrada nga dili matod pa lalim ang iyang naagian isip single mom sa upat niya ka mga anak. “It’s hard to be a mother and a father at the same time, siyempre, gusto mong maayos lahat. So nagiging paranoid ka. Maraming mistakes habang nagiging magulang. Ang alam ko lang nun ay hinding hindi ko ipamimigay ang mga anak ko,”sigon pa niini.

Nausab ang gusto

Gipaambit sa Kapamilya actor Enchong Dee nga human siya nigradwar og kursong Political Science, nangandoy siya kaniadto nga mosulod og politika. Apan karon kay nausab na ang iyang huna-huna ug nag-ampo siya nga dili unta siya dad-on sa iyang kapalaran sa maong laraw. “Pinagdadasal ko talaga na, ‘Lord, huwag mo sana ako dalhin dun.’ Kasi marami akong sinasabi, marami akong opinion. Ang gusto ko lang naman umunlad yung bansa natin na lahat tayo umuunlad,”tipik sa pamahayag niini.