Trending nga magtiayon

Maayong adlaw nga Dominggo  mga BisChikadora! First Sunday of the month, mao nga happy vibes lang! Napuno ang akong kasingkasing sa kalipay kay murag dili matapos ang tuig matatakan akong pasaporte nga molima na ka tuig next year ug ma expire na gyud. Ang mapaambit nako sa maong trip for now kay biyahe nga para sa Ginoo. Thank you Lord Jesus and Mama Mary for the opportunity.

Tungod kay good vibes Sunday akong ipaambit kaninyo, ang akong kasanatian sa dihang  usa ko sa mga nag host sa trending couple nga silang Roger and Wendy Nicon. Nganong trending couple? Proud to be Pinoy ang ilang mugna sa pre nuptial photos , tungod niini daghan ang na-hugyaw ug nataypan kini sa  netizens. Gibalita kini sa State of the Nation ni Jessica Soho sa GMA News TV  ug sa programang  Unang Hirit ni Susan Enriquez . Susama ang mugna  niini sa paintings sa  National Artist nga si Fernando Amorsolo. Ang location niini kay sa Bohol. Ang photos adunay nanglaba sa sapa, nag-ani og humay sa bukid ug uban pa. Ka-bongga! na lang gyud. Kinsay nagdahom nga ang magtiayon kay taga Cebu? Hangtud ako silang nahimamat pinaagi ni Abigail ug Jepjep Padilla nga mao ang choreographer nilang Roger ug Wendy para sa ilang prouduction number sa reception program.

Pag abot sa venue reception , Hugyaw na usab ang mugna, anaa ang mga Pinoy Kakanin nga eat all you can. Adunay mga little angels nanghatag og candies, para dili boring ,adunay nag violin, magician nga nagpakitang gilas gamit ang playing cards . Kung giuhaw ka, di maguol kay pwede ang sikwate shots, nagbaha nga bottled water ug unlimited draft beer, plus ang inyong Yur’s truly kay ang drama kay ga- live coverage unya nangayo og mensahe sa mga bisita para sa kinasal nga gipasalida sa duha ka LED wall during dinner time. Pagka human nimo og register, tagaan ka og  papel nga naa didto ang imong dapat buhaton. Mo- thumb mark unya pili ka sa imong favorite color nga ink then imong pirmahan, ihatag ang give aways, then derecho sa photo booth para sa souvenir photo, moadto sa usa   ka machine nga imong i- encode ang imong number para sa electronic gadgets and cash prizes. Pagsulod nimo ,dunay walk through sa ilang mga pre nup photos nga maka ingon ka amazing. While waiting nga  magsugod ang  program,  ang tablemat kay  personalized kaayo, pwede ka mag -word search, connect the dots ug puzzle. Ang pagkaon kay plated na, 18 ka lechon, usa ka lechon baka, 200 ka wines, open bar and good music .

Siyempre ang D’ Abyss Dancers headed by the power couple Abigail ug Jepjep  mao ang responsible sa Pinoy Feels nga Hugyaw kaayo nga production number sa  magtiayon. Ingon ko nga it’s a combined powers of two couples. Gihuman ang programa sa usa ka fire works display.

Ingon pa sa trending couple “ Wala sa garbo sa imong kasal, ang sukdanan mao ang  nagpungasi nga gugma.”