Nabun-og ang nawong

CEBU, Philippines — Nangayo og tips ang Kapamilya actress nga si  Angel Locsin ngadto sa iyang 5.3 million Instagram followers kung unsaon pagtambal ang naangkon niya nga black eye. Giklaro sa 'The General’s Daughter’ star nga wala siya giabuso. Apan daghan ang nagtuo nga nakuha niya kini tungod sa iyang mga stunt sa gibidahang teleserye sa ABS-CBN.

Wala'y tulog

Gipaambit sa aktor nga si Raymond Bagatsing nga wala siya'y tulog sa dihang nag-audition siya alang  sa pelikulang Quezon's Game ubos sa Kinetek Productions. Siya ang nagdala sa karakter ni President Manuel Quezon sa maong pelikula ug nakadawat og Best Aactor award sa Cinema World Fest Awards sa Ottawa, Canada. “He gave me a really long script, a long speech. Wala pa ako sa sarili ko, wala pa akong tulog. Of course, I’m here. I will do it.' I did the speech,"niya pa.

Kinsa kaha?

Hugot ug exciting ang kompetisyon karon sa pagka-Best Actor sa 35th PMPC Star Awards for Movies diin nominado silang Tony Labrusca, Atom Araullo, Donny Pangilinan, Darren Espanto ug uban pa. Ipahigayon ang awards night karong Hunyo 2 didto sa Resorts World Manila.

Nisyagit og "Darna!"

Nipaukyab sa iyang followers sa Twitter ang Kapuso actress nga si Sanya Lopez human nag-upload og video diin nisyagit siya og "Darna!" Kahinumduman nga si Sanya ang nidala isip Danaya sa 2016 sequel sa Encantadia ug daghan ang nisugyot  nga siya ang angayan nga  molupad isip Darna human ni-back out si Liza Soberano. Hangtod karon padayon pa nga nangita ang  ABS-CBN sa modala sa  bag-ong Darna.

Niisa ang kilay

Naundang kadiyot ang gihimong pasundayag  ni Lea Salonga didto sa Amerika human adunay nadunggan nga ringtone sa cellphone ang singer . Nasuta niya nga gikan kini sa audience.  Gipagawas ni Lea ang tag-iya sa cellphone aron ipatubag ang maong tawag kay tingalig emergency call kini. Apan niisa matod pa ang kilay ni Lea sa maong paghitabo hilabi na nga kanunay siyang nagpasidaan nga dili mogamit og cellphone kung motan-aw og theatrical concert.

Nalingaw sa pagka- ambassador

Malipayon matod pa ang aktres nga si Sue Ramirez sa iyang trabaho isip Korean tourism ambassador. Nasayran nga paborito sa  aktres ang Korean foods.“Everytime na pumupunta ako ng Korea, hindi po ako pumapayat! Dahil ang pagkain dun, kung napakasarap na ng Korean food dito sa atin, pagdating niyo ng Korea, ibang level yung sarap ng pagkain!”sigon pa sa aktres.

Dili una karon

Giasoy sa Kapamilya actress Barbie Imperial nga gibalibaran niya ang gitanyag nga proyekto kauban si JM de Guzman human sila nagkasungi niini. "Sinabi ko na parang hindi pa time. Feeling ko maiistorbo namin yung mga makakatrabaho namin kung hindi pa kami okay sa isa't isa. Mas okay na wait lang muna, 'wag nating madaliin," sigon pa ni Barbie.

Wala pa gikasal

Na-schock matod pa ang aktres nga si Megan Young sa nikatap nga balita karon nga gikasal na sila sa iyang  boyfriend nga si Mikael Daez. “Oo nga e, nagulat nga ako, e! Narinig ko rin. I think my mom was the one who asked me. No, we’re not married. So ayun,”pagklaro pa sa aktres.

Nibalhin na sa mansion

Hingpit na gyud nga nibalhin sa ilang gipatukod nga mansion dinhi sa Sugbo ang magtiayong  Slater Young ug Kryz Uy. Wala pa matod pa hingpit nahuman ang maong balay apan nibalhin na sila og sayo kay mapuy-an naman kini. "We planned on completing it in 7 months, but we moved in in 9 months. Still not 100% complete but happy to call this place home," post pa ni Slater sa Instagram.

Padayon ang pagpatambal

Nilupad sa Estados Unidos ang ABS-CBN star Liza Soberano para ipahigayon ang iyang ikatulo nga operasyon sa gihambin nga finger surgery. Gipaambit ni Liza nga wala lang niya naangkon ang finger injury atol sa training pagka Darna kun dili nadaot sab iyang kamot atol sa pagbida niya sa fantaseryeng Bagani kaniadto.

Gitubag ang basher

Gitubag sa singer-actress Alexa Ilacad ang usa ka netizen kinsa ni-comment sa iyang hulagway nga "Gandang-ganda sa sarili". "Siyempre mukha ko ipopost ko, ig ko 'to eh. Gusto mo ata mukha mo eh. Unfollow mo na lang po ako para masaya ang buhay,"paghot pa sa 19-year-old actress.