Tips sa adunay ka-M.U.

CEBU, Philippines —  Maayong adlaw mga idol! Karong panahona, dili malilong  nga uso gihapon ang mutual understanding  o MU.  Komedya pa sa mga tsismosa, ang MU matawag ra usab nga “murag uyab” sanglit ang duha ka habig nagpakita og espesyal nga pagtagad sa usag-usa.

Ang uban nakontento na maong sa pamaagi gumikan kay dili sila ganahan og commitment.

Sa pagsulod sa maong sitwasyon, makaingon ba kaha kita nga duna’y padulngan ang maong MU?

Basin maigo ka sa panultihon nga “pinakilig pero hindi jinowa” , awchhh. Kasakit.

Puwes pahimutang na, ania ang simple tips alang sa mga tawo nga dunay ka-MU.

Ayaw palabi og ka-attach. 

Sa ginaingon pa, “too much love will kill you.” Dapat kun mahigugma ka dapat sakto lang. Timan’i nga basta naay sobra, mausik ra. Basin maabot sa point nga dili najud nimo ma- control ang imong kaugalingon, pero wa ra diay gihapon padulngan ang inyong relasyon.

Dili kalimtan ang pamilya ug barkada.

Usahay, tungod na sa kawagas sa inyong relasyon, imo nang makalimtan ang mga tawo nga duol sa imung kasing kasing. Timan’i nga sa  wala pa ang  imong ka- MU., sila na ang naghatag nimo og kalipay. Ug labaw sa tanan, kun magmaoy pud ka, sila ra gihapon ang imong padulngan. Puwes, ayaw palabi ha, basin kalit ka biyaan sa imong ka-MU, matagbaw gyud ka og pangita sa imong mga higala.

Minosa ang pagdahom og maayo.

Kay abi sweet na kaayu siya sa imoha, tinud anay nanang iyaha? Mas maayo pang tinud-anay ang iyang pagbati pero walay daghang storya. Timan-i mga idol, nga  makadaot ang magpalabi sa tam-is. Kun MU ra gani, diha ra gyud na, bonus na kun magkadayon gyud mo.

Ayaw ka-in love dayon.

Daghan na kaayu og nabiktima sa ingon ani nga sitwasyon. Nagkadugay, nagkalami na inyong communication hangtud maabot sa punto nga naa najud kay pagbati ngadto kaniya. Ang naka apan lang, nagpakabuta ka.  Wala  ka mahibaw, nga sa sige nimo’g padayun og communicate niya, nakigbalik pud siya sa iyang ex!. Hala ka! Pagkadimalasa naman lang.  Hinayhinay sa gibati uy, obserbahi ang kasikas sa imong ka-MU basin gihimo rakang panakip butas.

Panigurado  uy.

Usahay ra ba, ang kaning uban maayu ra gyud sa sinugdanan. Mag- assume man gud dayun ka nga tinud anay tong iyaha apan nasuta nimo nga buotan ug mahigalaon lang gyud siya nga pagkatawo. Maong makaingon ka og ahat,”paasa kay ka idol”.  Dapat manigurado gyud ta ug dili magpadala sa sweet nga linohokan.  Mas maayu pang magpibilin kang single nga malipayon kaysa naa ka sa relasyon nga magul-anon.  Lingaw ra pud baya kung dunay ka-MU kay kiligon ka, pero  dili man gud ka mahibalo kung hangtud kanus-a kini nimo sagubangon. (Madungog si DJ Leeno Gaw sa iFM 93.9 sa programang “i Bangon Na”, matag kadlawn, Monday to Saturday 3-5 AM ug  Saturday Afternoon 3-6 sa Hapon.) - DJ Leeno Gaw sa I-Fm 93.9