#EyesLikeAShutterMindLikeALens

Name: Kimberly S. Mendero

Address: Mandaue City

Birthdate: February 24

Facebook Account: Kimberly Mendero Photography

Email Add: [email protected]

“Magpasalamat ko’g dako sa mga tawong misalig nako sukad sa una pa. I just feel honored and thankful to all who asked me to be a part of their special day. When you’re involved in events and weddings, it’s more than just a job— it’s a passion for making people’s dream come true.”

Kini ang mga pulong nga gustong ipaambit sa usa sa labing sikat nga photographer karon kansang dul-an sa napulo ka tuig na nga nahimong photographer.

Sa maong katuigan nga pagsilbi ni Kimberly Mendero  sa mga Sugbuanon, ubay ubay na sab ang mga nahimo niyang mga kliyente sama nilang Señorita Amparito Lhuillier atol sa launching sa libro niini; Glaiza de Castro sa iyang first concert didto sa   Manila sa Music Museum; ug John Llyod Cruz sa usa ka fast food chain commercial.

Gusto siyang mahinumduman isip usa ka “chill” lang nga photographer ug sayun maduolan.

Dugang pagpaambit niya, una siya nahimong photographer, usa siya ka designer ug graphic artist.

Sa pagpangodak gyud siya milungtad og dugay sanglit dinhi man niya napamatud-an ang iyang kahanas og kaligdung niini.

Gani ubay-ubay na sab nga mga award-giving-body ang niila sa iyang kaligdung sa pagpangodak.

“Year 2013 naka- decide ko nga mo try og  join sa Sinulog Photo Contest and I didn’t necessarily expect to win gyud. Lingaw-lingaw lang gyud ug sa dihang naka suway ko’g daug ato sa photo contest kung diin nahimo ko’ng 2nd placer sa Sinulog Festival Queen Category. Nisunod dayun ang Sinulog 2017 Filipino Homes Photo Contest, nahimo ko atung 1st Runner up ug karong tuiga Sinulog 2019 Photo Contest,  1st Place ko sa Contingent Category,” paambit pa.

Pagbalik tan-aw niya sa pagsud niya niining maong passion, bata pa siya  sa dihang kuhaan niya og daghang hulagway ang iyang inahan pinaagi sa ilang karaang camera.

Sukad niadto, nanalinsing ang iyang paghigugma sa maong butang. Giangkon niya nga usa siya ka shy-type person kaniadto ug ang photography maoy rason nganung nakighugoy-hugoy na siya og sugod sa kadaghanan.

Samtang gipadayag sab niya ang dako niyang pag -idolo sa giisip niyang “Master Travel Photographer” nga si George Tapan, ang tawo luyo sa mga maanindot nga mga hulagway nga kasamtangan natung makita sa Mactan International Airport.

Matud niya, kun wala siya’y mga photo shoot, siya gyud ang mangunay og edit, mo -design ug mo layout sa mga albums sa iyang mga weddings, birthdays, debuts ug corporate events.

Dili sad niya malimtan matag human sa iyang trabaho ang linahi nga kalipay nga makakita sa mga nawong sa iyang mga kliyente nga nahimuot ug kontento sa iyang output. Ang maong linahi nga pagbati gihulagway niya isip “priceless moments”.

Way kinutuban ang iyang pagpasalamat sa iyang pamilya ug sa tanang tawo nga misalig sa iyang abilidad sa pagpangodak.

“Akong pasalamatan gyud katong nituo ug ni-support nako hangtod karon,”panapos pa niya.

Q&A

BNH: Sa unsang panahona makaingun ka nga hingpit na gyud nimong nakab-ot ang imong break isip photographer?

KIMBERLY: Para nako, basta lang pirmi nimo ihatag imong maayo nga serbisyo sa imung client. Sobra pa na sa nakab-ot nga break.

BNH: Sa unsang paagi nakatabang nimo og dako ang imong pagka- photographer?

KIMBERLY: Tungod sa photography ,na-develop akong self- confidence.