Kever sa bashers

CEBU, Philippines — Nagpabiling positibo ang  usa sa nalakip sa Pinoy Big Brother Otso Big Four nga si Lie Reposposa bisan og giuwan na siya og pagbatikos sa kadaghanan tungod sa iyang ka-OA sulod sa PBB house. Matud pa ni Lie nga dili siya angayan nga masuko sa mga ni-bash kaniya. “Okay lang po sakin talaga, kasi mas lalo akong sisikat ‘pag marami akong bashers”, suma pa niya.

Nakapiso ni Sunshine

Adunay gikasab-an si Sunshine Cruz nga usa ka netizen kun diin mikomento kini kabahin sa gisul-ob nga gown sa anak niini nga AngelinaCruz atol sa debut party sa anak nila ni Carmina Villaruel ug Zoren Legaspi nga sila si Cassy ug Mavy. Sa komento nga gikan sa netizen , nangutana kini kun nganong  habwa ra kaayo ang gisul-ob nga gown ni Angelina. Suma pa ni  Sunshine nga  17 anyos na ang iyang anak ug haom ra ang gisul-ob niini nga gown sa gitambungan nga Hollywood-themed party. Gipapas na karon ang maong komento apan tataw nga naabot sa maong netizen ang reply ni Sunshine .

Dunay sakit?

Naalarma ang fans ni Loisa Andalio tungod sa tweet niini kabahin sa sakit nga Alopecia. Sa  maong sakit ,  mangatangtang ang  buhok ug mao sab kini ang rason sa pagkaopaw sa ubang bahin sa bagul-bagul. Wala pa miesplikar si Loisa kabahin sa maong tweet apan mipadangat na ang mga fans ni Loisa kun unsa ang angay nga solusyon sa maong sakit.

Probinsyana ni Coco

Gitawag ni Vice Ganda nga “Probinsyana” ang Sexbomb dancer nga si Che-Che human nabutyag nga na-link kini kaniadto ni Coco Martin. Gipatug-an gyud ni Vice ang grupo sa Sexbomb kung kinsa ang suod ni Coco kaniadto sa serye nga Daisy Siete. Gitudlo sa mga babaye nga si Che-Che mao nga gikalingawan ni Vice nga si Che-Che na lamang ang gihuwat nga molugwa sa gibidahan ni Coco nga “FPJ’s Ang Probinsyano”.

Confident na

Confident na si Sharon Cuneta nga makadayon na sa iyang anak nga si KC Concepcion ang French boyfriend niini nga si  Pierre Emmanuel Plassart. “Nagbalikan kasi kaya they realized how much they missed each other”, suma pa ni Sharon.

Unahon ang karera

Wala pay kasiguraduhan si 2017 Reina Hispanoamericana Teresita Ssen Marquez kun buot ba siya nga moapil sa sa Binibining Pilipinas. Matud pa niya nga atimanon una niya ang iyang karera sa showbiz tungod kay adunay mga proyekto nga miabot kaniya karon, “Maraming opportunities na dumarating, and I’m really not sure what to do yet. Unahin ko muna kung anong kailangan unahin and let’s kung ano ba talaga ang mangyayari. I’m happy with my crown. I’m happy sa kung anong na panalunan ko”, suma pa ni Teresita.

Lipay kaayo

Hangtud karon dili pa gihapon makatuo si Angel Locsin nga makauban niya sa usa ka proyekto ang iyang mga giidolo nga mga artista kinsa mao ang iyang gihangad pag-ayo sa industriya sa dihang wala pa siya’y pangalan sa showbiz. Usa na si Maricel Soriano sa giidolo niya nga artista nga makauban niya sa seryeng The General’s Daughter.  “Yung mga iniidolo ko na artista noong nagsisimula pa lang ako noong hindi pa ako artista, hindi ko naman akalain na sabay-sabay sa isang show pagsama-samahin at makakatrabaho ko sila, makikita ko sila, makakasama ko sila sa set everyday. Iba yung shock!”, padayag pa ni Angel.

Nabuta ang apohan

Gikumpirma sa inahan ni Jake Zyrus nga si Raquel Pempengco nga nabuta ang wala nga mata sa apuhan ni Jake  nga si Tess Relucio-Pineda tungod sa naputol nga ugat sa utok nga usa sa epekto sa stroke. Nagka-mild stroke ang lola ni Jake ug gikinahanglan na niini nga ipaubos sa operasyon sa dili madugay.

Dili mamili

Wala gyu’y pili si Kim Domingo sa mga role nga iyang dawaton. Gani, game kaayo sa karakter nga usa ka sexy ug makalingaw nga babaye sa serye nga “TODA One I Love”. Siya ang modala sa papel ni Vicky nga usa ka selosa nga uyab. Dugang pa ni Kim nga ganado siya motrabaho tungod sa makalingaw nga panag-uban nila sa ilang set.

Busy karong tuiga

Tsika pa ni Piolo Pascual nga fully booked na ang iyang unang upat ka buwan karong tuiga. Napanglantawan ni Papa P nga busy gyud siya karong tuiga mao nga gikinahanglan niya nga magtigom og igo nga kusog ug kanunay nga magpahimsog sa iyang panglawas aron kondisyon siya kanunay sa trabaho.