Yam bida sa pelikula

CEBU, Philippines – Dili na gyud mabangbang ang kasikat ni Yam Concepcion, human sa pagsaka sa iyang popularidad gumika sa seryeng Halik, ang aktres maoy himoong bida sa umaabot nga pelikula sa Viva Films. Sugdan na sunod adlaw ang shooting niini.

Best in halok

Dunay  eksena nga naghalok sila si Martin del Rosario  ug Kiko Estrada sa pelikulang My Stepmother’s Lover.  Nagpanikad na sila Martin sa mahimong reaksyon sa publiko sa maong pelikula.

Mobalik sa pagduwa

Pagkahuman og arte sa pelikulang  Otlum, ma-busy na pud og balik ski  Ricci Rivero sa pagduwa og basketball. Tsika pa ni Ricci nga kun dunay laing hugyaw nga offer, andam gihapon siya modawat og acting project puhon. “Sobrang thankful ako sa mga nanood not just me but the whole cast and the whole production,” matud pa ni Ricci.

Ilogan sa mga guwapo

Gawas kang Carlo Aquino, mahimong interest pud ni Nadine Lustre sa pelikulang Ulan sila si AJ Mulach ug Marco Gumabao. Masaligon si Nadine nga suportahan kini sa iyang fans bisan pa man nga dili si James Reid ang iyang kapares.

Direk Nash

Busy si Nash Aguas sa pagtungha sa kursong AB Film. Excited na kaayo ang actor sa iyang upcoming projects kung diin magamit gyud og maayo ang iyang kurso. Dugay na nga gipangandoy ni Nash nga mahimong direktor.

Dili mapul-an

Gasige og balik og tan-aw si Annabelle Rama sa  pelikulang Fantastica.   Malingaw gyud siya sa maong pelikula busa dili gyud siya mapul-an sa pagtan-aw niini.  Nasayran nga usa ang iyang anak nga si Richad Guttierez  sa mga bida sa maong pelikula.

Hugyaw og performance

Nagmalaumon si Jerome Ponce nga padayon  nga suportahan sa publiko ang pelikula nila ni  Ricci Rivero sa Metro Manila Film Festival 2018 nga Otlum.   Matud pa ni Jerome nga lahi ra gyud ang iyang gipakita niya sa maong pelikula busa angayan kini  tan-awon sa iyang fans.

Nasuwayan na gyud

Nasuwayan na gyud ni  Jodi Sta. Maria ang pagsagubang sa usa mga butang nga iyang gikahadlokan. Gisuwayan ni Jodi ang paghikap og tarantula. Gihulagway niya kini nga "greatest fear” apan iyaha gyud nga giantos ang paghikap sa maong mananap.

Nibakasyon sa Europe

Kasamtangang nibakasyon si Vice Ganda sa  nagkadaiyang dapit sa Europe. Nisuroy ang komedyanteng TV host sa Paris, France, ug Barcelona, Spain. Mao kini ang reward ni Vice sa iyang kaugalingon human sa nagpungasi niya nga mga proyekto.

P400M na!

Nagmaya og maayo ang  mga bitoon sa Fantastica', gumikan kay nikita na kini og  P400 million. Padayon nga gilinyahan sa mga sinehan ang maong pelikula nga gibidahan  nila ni Vice Ganda, Dingdong Dantes  ug Richard Guttierez.