Scarlet Snow isip Vanellope

CEBU, Philippines – Madungog gyud ang tingog ni Scarlet Snow Belo sa umaabot nga Disney movie nga Ralph Breaks The Internet. Si Scarlet mao ang mohatag og tingog sa karakter ni Vanellope.

Emosyonal sa pahimagno

Dili gyud mapugngan ni Alessandra de Rossi ang mahimong emosyonal kun mahinumduman niya ang kanunay nga pahimagno sa iyang inahan sa matag higayon nga adunay magluib niya. ‘Ayan kasi. Ayan kasi. Masyado ka magmahal.’ Wag daw masyado hindi daw lahat pamilya", suma pa ni Alex.

Beauty queens magkahiusa

Magkahiusa sila si Miss Universe 2015 Pia Wurtzbach ug Miss Universe-Philippines 2018 Catriona Gray alang sa ilang adbokasiya sa HIV Awareness. Ang maong adbokasiya mao ang gipahimug-atan ni Pia sukad pa niadtong misalmot pa siya sa Miss Universe. Naghinam-hinam na sab si Pia sa kolaborasyon nilang duha ni Catriona.

Komportable sa pagka-kontrabida

Komportable na karon si Sam Milby sa iyang karakter isip kontrabida sa serye nga "Halik". Tsika pa sa aktor nga uyon ra siya nga tanyagan og susama nga role sa iyang mga umaabot nga proyekto. “I mean if the next role happens to be kontrabida type din, if it's a great role, I'll also do it again,” suma pa ni Sam.

Fangirling moments

Wala gyuy nakapugong ni Maris Racal nga motikang sa concert ni Taylor Swift sa Tokyo Dome, Japan. Nag- inusara  lang siya sa paglarga sa maong dapit. Malipayon niya nga gipaambit sa iyang fans ang iyang kasinatian sa maong concert. Dugay na nga fan si Maris sa maong singer.

Di maglaom

Dili na molaom ang “Recipe for Love” lead actor nga si Christian Bables nga makasulod sa nominasyon sa Oscars sa kategorya nga Best Foreign Language Film sa iyang pelikula nga Signal Rock nga ubos sa direksyon ni Chito Roño. "Kasi kung ilalagay ko yung sarili ko do’n sa anticipation na baka makuha kami sa Oscars, na merong high chance na makuha kami sa Oscars o baka wala, baka atakehin ako ng anxiety, so ayoko", matud pa ni Christian.

Birthday concert

Gisaulog ni Karla Estrada kagahapon ang iyang Ika-44 nga adlaw'ng natawhan pinaagi sa pagpahigayon og konsyerto. Usa kini ka digital concert nga nag-ulohan og "I am Karla Estrada, The Music Within". Giawit  ni Karla ang mga awit sa iyang kinabuhi.

Model sa Italy

Pabilin gihapon nga naa sa spotlight ang kanhi Pinoy Big Brother housemate nga si Marco Gallo gumikan kay nagpadayon gihapon ang iyang karera isip usa ka model didto sa Italy. Gisudlan ni Marco ang modeling aron makatabang sa iyang pamilya.

Nigamit og application

Gibutyag ni Solenn Heussaff nga andam na siya nga makabaton og anak karong 2019. Apan karon, nigamit una siya og application sa cellphone aron mo-track kun kanus-a safe nga makighilawas iyang bana nga si Nico Bolzico.

Buwag na

Nagbuwag na sila si Miss Q and A grand finalist nga si Lars Pacheco ug ang iyang boyfriend nga si Gino Hinolan. Kahinumdoman nga nagtrending ang duha gumikan sa ilang mga sweet nga mga hulagway sa social media. Wala pa modetalye si Lars mahitungod sa ilang panagbuwag.