Bela mihimakak

CEBU, Philippines — Giklaro ni Bela Padilla nga dili siya ang babaye  nga nilugwa sa viral video ni  Cesar Montano.  Nitubag si Bela niini human dunay pipila ka netizens ang nilenggua nga matud pa susama og pamorma sa iyang lawas ang babaye sa video ni Cesar.

Gimingaw na og sugod

Giangkon ni Regine Velasquez nga gimingaw na siya og sugod sa iyang mga nakatrabaho kaniadto sa GMA-7.  Kahinumdoman nga emosyonal ang singer sa dihang nanamilit siya sa iyang mga staff sa programang Sara Diva.

Dili basta-basta

Gihulagway ni Dennis Trillo  nga “buwis-buhay”  ang pipila niya ka mga eksena sa seryeng Cain At Abel. Sa eksena, kinahanglan nga molayat siya og taytayan. Naghinam-hinam na og maayo si Dennis sa mahimong resulta sa maong serye.

Pinangga ang mga empleyado

Giangkon ni Carla Abellana nga usa sa lisod nga parte sa pagpadagan sa negosyo niya nga salon mao ang pagkupot og maayo sa mga empleyado aron dili kini mobiya kaniya. Gihatagan gyud ni Carla og maayong pagtratar ang iyang mga empleyado sanglit mao kini ang usa sa rason nga nagkalig-on og samot ang iyang negosyo.

Andam na

Tsika pa ni JM de Guzman nga andam na siya nga makauban pagbalik sa usa ka proyekto ang iyang ex-girlfriend nga si Jessy Mendiola.  Gitataw sa aktor nga hingpit na siya nga nag-usab ug gikalimtan na niya ang mga bati niya nga kagahapon.  Kahinumdoman nga nagkabulag sila si Jessy ug JM kaniadto human nagbisyo ang aktor.

Nadamay ang pangalan

Hugtanong gihimakak sa award-winning actor nga si Phillip Salvador ang nitumaw nga tsismis nga  matud pa nalambigit siya og  hit-and-run incident dinhi sa Sugbo niadtong October 27, 2018.  Suma pa sa aktor nga wala siya nitikang sa Cebu sa maong adlaw.

Supportive boyfriend

Suportado ni Vin Abrenica ang career sa iyang uyab nga si Sophie Albert. Puros sila mga artista busa nakasabot ra gyud sila sa tagsa-tagsa nila nga mga trabaho. Wala matud pa nagselos si Vin sa kissing scene nila ni Sophie ug Rocco Nacino sa seryeng Pamilya Roces sa GMA-7.

Pakilig napud

Sweet kaayo sila si Angelica Panganiban ug Carlo Aquino sa ilang pagpanuroy sa Japan. Gikilig og samot ang ilang fans sa mga hulagway nila sa Instagram. Dako  ang pagtuo sa CarGel fans nga magbalik gyud ang ilang mga idolo.

Moduwa sa Thailand

Nilarga sa Thailand niadtong  Huwebes  ang  Kapamilya star  nga si Myrtle Sarrosa aron mokombate sa  mobile game nga  Player Unknown Battleground o PUBG. Nalakip usab sa maong kompetisyon ang top players gikan sa  South Korea, Japan, Vietnam, Malaysia, India, Indonesia, New Zealand, Australia, ug  Singapore...