IG post ni Liza milangkat og record
CEBU, Philippines – Nakalangkat og milestone ug kasaysayan ang Kapamilya star nga si Liza Soberano sa sikat nga popular image-sharing platform nga Instagram, Kini human nga nakabaton og kapin sa 1 million likes ang usa sa gi-post niya nga hulagway sa Instagram.
Siya ang ikaduhang aktres sa Pilipinas nga nakaangkon sa maong record nga unang nakuha ni Anne Curtis niadtong 2017 nga nakabaton gihapon og kapin sa 1 million likes sa hulagway niya kauban ang iyang bana nga si Erwan Heussaff.
Sa latest post ni Liza, kauban niya sa hulagway ang ka-loveteam nga si Enrique Gil nga kabahin sa portrait series sa mga artista nga gimugnaan og sapot ni Perry Tabora sa bag-ohay lang nga ABS-CBN Ball.
Samtang sa worldwide record , ang social media superstar ug makeup tycoon nga si Kylie Jenner maoy naghupot sa record sa most popular Instagram post nga duna’y 18 million likes.
- Latest
