Todo pangandam

CEBU, Philippines – Panagsa ra makabaton og bakante nga adlaw si  Liza Soberano gumikan kay todo na karon ang training niya sa martial arts, boxing ug lifting.  Tipik kini sa preparasyon niya sa pelikulang Darna.

Wala si Maymay

Suwayan ni Edward Barber  nga moarte nga wala ang iyang ka-loveteam nga si Maymay Entrata.  Nasayran nga nalakip ang aktor  sa pelikula nila ni  Bea Alonzo ug Aga Mulach nga First Love ug wala’y apil  si Maymay niini.

Arci ug JC magpares

Usa ka  mature nga pelikula ang pagaparesan nila ni  Arci Muñoz ug JC Santos nga nag-ulohan og  “Open.”  Mao kini ang labing unang higayon nga magpares ang duha sa usa ka pelikula. Tsika pa sa direktor niini nga si Andoy Ranay nga  personal choice niya sila si  Arci ug JC alang sa maong proyekto. Malakip usab niini sila si  Nikki Valdez, Alexa Ilacad ug  Vance Larena.

Hilom man

Taod-taod na diay nga  gipasalida ang pelikula ni  Sandara Park nga Cheese in the Trap apan wala kini kisaw. Kauban niya sa maong pelikula  ang sikat nga aktor nga si Park Hae Jin. 

Shode pressure

Tsika pa ni Coco Martin nga dili niya i-pressure ang iyang kaugalingon sa mahimong resulta sa pelikula niya nga Jak Em Popoy: The Puliscredibles sa umaabot nga Metro Manila Film Festival 2018. Nasayran nga napanglantawan sa iyang fans nga mo-click gyud ang maong pelikula, samotan na nga kauban niya dinhi sila si Maine Mendoza ug Vic Sotto. “Ang pinakamaganda ngayon is magtulungan na lang kung paano natin mapapasaya ang mga Pilipino para wala nang issue,” suma pa ni Coco

Mitabang si mader

Nitabang og promote sa social media  si Maricel Laxa sa bag-ong serye sa ABS-CBN nga Playhouse. Nasayran nga nalakip sa maong show ang anak niya nga si  Donny.   Matud pa ni Maricel nga dili gyud siya magmakuli sa pagtabang kung proyekto na sa iyang anak ang hisgutan.

Sexy scene

Giatngan og maayo ang init nga eksena nila ni Derrick Monasterio ug  Sanya Lopez sa pelikula sa  Regal Films nga Wild and Free.  Gipahigayon  sulod sa sakyanan ang usa sa mga init nga eksena niini.  Gipamatud-an  sa duha nga dili lang puros pa-cute ang mahimo nila atubangan sa kamera.

Okay na

Giangkon sa magka-loveteam nga sila si JM de Guzman ug  Barbie Imperial  nga duna sila’y gamay nga pagpangluod sa usa'g-usa.  Hinuon nahusay na ang duha human sa ilang sweet nga sinukliay og mensahe sa social media.

Coraleen mabdos

Nagsabak ang kanhi "Pinoy Big Brother" housemate  nga si Coraleen Waddell. Mao kini ang labing una nila nga anak sa iyang bana nga si  Terence Lloyd. Nagpanikad na ang duha nga makakita sa ilang unang liwat.

Nilugwa na

Nilugwa na niadtong Lunes sa gabii ang karakter nila ni  Mystica ug Rhed Bustamante sa serye ni Coco Martin nga "FPJ's Ang Probinsyano."  Kahinumdoman nga taod-taod na nga nawagtangan og career ang nahisgotan nga mga artista apan gitabangan sila ni Coco nga makabalik sa showbiz.

Lara nanganak na

Gihimugso na ni Lara Quigaman ang ikaduhang anak nila ni  Marco Alcaraz.  Gi-post dayon ni Marco sa Instagram ang hulagway sa bag-ong gipanganak nga batang lalaki. "Thank you Lord... Thank you for all the prayers," mensahe pa ni Marco.