Aretha Franklin mipanaw
CEBU, Philippines – Mipanaw na ang giila nga “Queen of Soul” nga si Aretha Franklin, kinsa maoy nagpasikat sa awit nga “Respect and Think.”
Suma pa sa publicist sa singer nga si Gwendolyn Quinn nga nakabsan sa iyang kinabuhi si Aretha sa panimalay niini didto sa Detroit.
Ang 76 anyos nga legendary singer na-diagnose nga may pancreatic cancer niadtong 2010 ug sa miaging tuig, nianunsyo nga moretiro na siya sa musika.
Makadaghan na nga higayon nga nalandig kini sa tambalanan gumikan sa iyang balatian.
“In one of the darkest moments of our lives, we are not able to find the appropriate words to express the pain in our heart.We have lost the matriarch and rock of our family. The love she had for her children, grandchildren, nieces, nephews and cousins knew no bounds,” tipik sa official statement sa iyang pamilya.
- Latest
