Happy Fiesta!

Happy fiesta sa akong yutang nadak-an ang Englis V Rama! Viva Senor San Roque kay nadayun gyud ang fiesta bisan pa man sa mga kakulian nga naagian sa among kapilya. Magpasalamat ko sa mga nisuporta sa among night diin ang among Yur Events and Productions Team maoy ni-handle sa Ginoong Esco 2018. Karung tuiga mas gipabongga ang among presentation ug gipaHugyaw ang stage design sa tabang ni Cliff Yunson Racuya. Nagtigi sila sa  upat ka exposures, ang Fantasy costume pagkahuman ang Talent portion, ilang gipakita ang ilang ka gwapo sa Formal wear, nagpabilin ang mga manan-away kay gipaulahi ang Swim wear courtesy of Roy Erwin Tizon. Ang 10 ka contestants kay best in interview sa host nga si Jerome Alipar. Ang 10 nahimo na lang ug lima unya ang mga judge nga silang Ephraim Basbas, Cres Nieves ug Dudes Tuanquin maoy nangutana sa lima. Suwerte kaayo ang among Team kay ang ubang sponsors nihatag og mga corporate awards sa mga candidates. Siyempre, with cash and sash. Nakadawat usab ang  mga winners og minor awards. MakaHugyaw ang maong show kay ang mga tawo nagpabilin hangtud mahuman ang program  ug bisan gamay lang ang among sityo ug  bisan ang uban wala na nagpuyo mobalik gyud ug mo- participate sa mga kalingawan ug sa chapel religious activities. Mao nga manghinaut kami nga sa sunod tuig magpadayon ang ilang suporta.

Kagahapon adunay gipahigayon nga misa sa San Roque Chapel, unya pagkagabii niana mao ang jamming with the band nga ang tanan puwerteng lingawa kay ang mga  Gay’s Unlimited mao man ang usa sa mga sponsors niini. Tigiay sa dalan nga gihimong dance floor— maayo na lang present ang mga  Barangay Guadalupe tanod nga maoy nag-traffic sa mga sakyanan nga moagi. Feeling nako naay mga nahubog kay on the side nag- inom ang mga  nakig-jam. Ang importante wala’y gubot nga nahitabo!

Karung adlawa fiesta na! Sa hapon adunay ipahigayon nga procession nga manukad sa San Roque Chapel padung sa eskina Banawa hangtod sa may Happy Valley balik sa San Roque Chapel. Pagkahuman niana kay wala man mi handa, hahahahhahahaha! mangatak dayun mi sa mga silingan. Bitaw joke lang! Naa’y ginagmay nga handa ang among grupo ang Gay’s Unlimited, so ang drama ani  tapok tapok, lafang lafang, inom inom ginagmay while enjoying the music kay naa ma’y street party! O, di ba Hugyaw?

Sa makausa pa, daghang Salamat sa mga nisuporta sa among mga nightly activities ug mga ni-sponsor sa chapel decorations ug snacks. Kini nagpakita lang gyud basta magtinabangay, ang mga pagsuway nga among giatubang makaya ra gyud! Viva Senyor San Roque!