“Jacqueline Comes Home” mosikad na!

CEBU, Philippines —  Karong adlawa na magsugod  ang pagpasalida  sa  pelikulang  “Jacqueline Comes Home”   nga gibidahan nila ni Meg Imperial ug  Donnalyn Bartolome.

Ang istorya niini naghisgot sa kaagi sa Chiong sisters diin ang usa niini nakaplagan nga patay, samtang ang usa nagpabilin nga missing.

Sila si Joel Torre ug Alma Moreno maoy nidala sa karakter sa ginikanan sa  na-missing nga magsuon.

Ang anak ni Direk Carlo Caparas nga si Ysabelle Peach maoy direktor sa maong pelikula  ug gipakatap  sa Viva Films.

Nasayran nga mga Sugbuanon ang kasagaran sa mga artista ang nalakip sa maong pelikula.

Si Direk Carlo mismo ang nangunay sa pag-screen sa audition niini kaniadto.

Sa miaging interview ni Direk Carlo sa Banat News Hugyaw, gipabuhagay niini nga dili gyud basta-basta ang mga talento sa Sugbuanon.

Usa ka Cebuana ang kapikas niya sa kinabuhi nga nipanaw na nga si Donna Villa busa duol gyud sa iyang kasing-kasing ang mga Sugbuanon.

Niadtong buhi pa ang iyang asawa, nangandoy gyud kini nga mogama og pelikula kalabot sa istorya sa pagpangidnap sa Chiong sisters.

Matud pa sa direktor nga kisaw kaayo didto sa kaulohan ang istorya sa Chiong sisters.