Ganahan magkontrabida

BisChika nga Domingo! Hala oi! Ka perfect ba? Pila na lang ka adlaw mura’g magPasko mode na mao nga karun pa lang mga BisChikadora lista very light sa mga paliton sa mga kinugos nimo. Kon adunay mga mall sale pwede na dayun ka mamalit og very light lang depende sa imong budget. Parehas niaging semana kay best in budgeting ang drama sa among batch 93-94 pero nagkatapok ang mga available sa schedule. Ang mugna kay nag BYOB meaning Bring your own baon-- basta ang mga ginagmay nga bitbit basta tapukon na gani daghan na kaayo. Dunay nagdala og lechon manok, lechon baboy, desserts ug naa mi batch nagdala og daghang chi-chirya gihimo nang tindahan ang among cottage nga giabangan kay gipangbitay na man ang mga pagkaon, hahahahha! Ang importante nagkatapok unya nahisgutan na dayun namo ang among silver anniversary sa among batch ug nagplano kami nga mag grand reunion. O di ba? Sa tapok tapok ug mga chika dunay namugna na dayong adlaw ug tuig sa among grand reunion sa Ramon Duterte Memorial National High School. Mao nga calling all batchmates sa nakabasa aning BisChika e- add ninyo sa facebook si Victor Reynes para malista na dayun mo! Daghang Salamat!

Kinsa Siya kining aktres nga duna gyud diay siya’y dream role sa iyang kinabuhi nga gusto niya nga ma-achieve. Apan tungod sa iyang mala angel nga nawong kaluoy intawon sa aktres wala gyud kini natuman  hangtud na “gor “ (tiguwang) na lang siya. Hahhahahaha! Pero kining aktres kay very effective man kaayo sa iyang mga roles sa pelikula man o sa telebisyon. Mao nga usa ka adlaw niana kining aktres  niduol sa direktor ug duna siya’y gihangyo nga kung pwede ba ang role nga iyang gusto mahatag kaniya. Na-shock ang direktor nganong gusto man siya sa maong role? Mao lagi kuno kay wala pa gyud siya kasuway. Ang gibuhat sa direktor gipabarog siya atubangan sa camera unya gitan-aw ang iyang profile kon pwede ba gyud sa iyang gihangyo. Sorry wala gyud nakapasar si aktres sa iyang gusto nga gipangayo nga role. Pwes, unsa man diay nga role ang iyang gusto? Ang gusto sa aktres kay mamahimo siyang “kontrabida” sa pelikula o sa teleserye. Para sa uban dali kaayo kini apan kining si aktres sorry na lang wala siya nakapasar nga mamahimong kontrabida mao nga ang iyang role always buotan gyud! Kinsa Siya kining aktres? Busy siya sa sitcom ug teleserye sa usa ka network nga ang iyang role kay best in buotan nga usa ka inahan! Mas nailhan kining aktres tungod sa iyang maayo nga mokanta kay na-discover ang aktres sa usa ka singing contest sa iyang panahon! Kinsa Siyaaaaa??

Sa mga fans sa Eat Bulaga! Good news para sa mga nanay o tatay diha nga adunay anak nga nag-edad og 12 years old and below! Ang ilang labing lingaw nga segment sa show nga Hype Kang Bata Ka, mupahigayon og audition karung adlawa  10:00AM – 5:00PM sa JCentre Mall, 3rd floor Fortuna St. Mandaue City.

Mao kini ang mga requirements :Birth Certificate, 3R Picture, Valid Id sa Parents/ Guardian, Music Material para sa talent.