Dili sa nawong

Tsika pa ni Ynez Veneracion ngadto sa pep.ph nga  nakasuway na siya og retoke sa pipila ka parte sa iyang lawas sama sa boobs. Apan dili gyud mahitabo nga magparetoke siya sa iyang nawong kay mahadlok siya.

Okay ra man diay

Nag-uban sa pagpanglaag sila si Julia Barretto ug Loisa Andalio sa miaging gabii. Nagpasabot kini nga dili tinuod ang taho kaniadto nga matud pa bugnaw ang tinagdan nila sa usa'g-usa. Si Loisa maoy gidungog nga uyab sa kanhi ka-loveteam ni Julia nga si Ronnie Alonte.

Naka-P65M na

Nagmaya ang Viva Films gumikan kay nagkadako og maayo ang kita sa pelikula nila ni Anne Curtis ug Dingdong Dantes. Sulod sa lima ka adlaw, nikita na kini og P65 million. Mao kini labing unang higayon nga nagpares sa pelikula sila si Anne ug Dingdong.

Mo-focus sa serye

Kasamtangang nipahuway si Jackie Rice sa gag show nga Bubble Gang sa GMA-7 aron maka-focus sa seryeng Hindi Ko Kayang Iwan Ka. Gimingaw na og maayo  si  Jackie og heavy drama. Nasayran nga gipangandaman og maayo ni Jackie ang maong serye.

Migradwar na

Emosyonal si Claudia Barretto sa iyang paggradwar sa high school sa miaging adlaw didto sa  Everest Academy Manila.  Plano ni Claudia  nga mokuha og business management course inigsulod niya sa kolehiyo. Bisan pa man sa iyang ka-busy sa showbiz, dili gyud niya pasagdan ang iyang pagtungha.

Giusab ang title

Gikan sa titulo nga  Bayang Magiliw, giusab na ngadto sa Maguindanaw ang pelikula nga pagabidahan ni Judy Ann Santos. Makapares ni Juday si Allen Dizon kinsa modala isip sundalo nga muslim. Ang banggiitang direktor nga si Brillante Mendoza maoy nagdumala sa maong proyekto.

Lig-ong relasyon

Tsika pa ni Rhian Ramos nga nagkalig-on ang dagan sa relasyon nila sa iyang non-showbiz boyfriend nga si Jason Choachuy. Kapin na sa tulo ka tuig ang ilang relasyon. Matud pa sa aktres nga wala pa sila'y plano nga magpakasal gumikan kay duna pa sila'y laing  mga prayoridad.

Wala'y labad

Wala gyu'y problema si Kris Aquino sa iyang ex-boyfriend nga si Phillip Salvador gumikan kay wala gyud kini naghatag og labad kaniya. Si Philip maoy amahan sa unang anak ni Kris nga si Joshua. Nagduda ang fans ni Kris nga si James Yap maoy iyang gipadungog-dungog niini.

Shode pressure

Gitataw ni Glaiza de Castro nga wala siya ma-pressure nga magminyo bisan pa man nga motungtong na og 30 ang iyang edad karong tuiga. Suma pa ni Glaiza nga walay angay nga dalian. Gipaneguro niya nga andam gyud ang iyang kaugalingon kung mosulod sa maong butang.

Reunion

Human sa 14 ka tuig, nag-reunion sa miaging adlaw ang mga produkto sa  reality show nga StarStruck Kids. Nitambong sila si Bea Binene, Sandy Talag, Paul Salas, Sam Bumatay, Gabriel Roxas, Shamel Leask, JM Reyes, ug Miguel Tanfelix. Nilugwa usab ang uyab ni Paul nga si Barbie Impegrande.

Bakasyon grande

Todo bakasyon si Sylvia Sanchez samtang nagpaabot sa iyang sunod nga proyekto sa ABS-CBN.Dili pa lang dugay,nitikang siya sa  Japan, Hong Kong, ug Sri Lanka. Nisuroy usab si Sylvia uban sa iyang pamilya didto sa  Maldives.