Fil-Italian kinoronahang Miss Earth-PH!
Bishop ‘nagnakaw’ sa Royal Wedding
SEEN: Ang Filipino-Italian na si Silvia Celeste Cortesi ng Rome, Italy ang nanalo na Miss Earth Philippines 2018 sa coronation night na ginanap noong Sabado sa Mall of Asia Arena.
Mga runner up ni Cortesi sina Miss Philippines-Air Zahra Bianca Saldua, Miss Philippines-Water Berjayneth Chee, Miss Philippines-Fire Jean Nicole de Jesus at si Miss Philippines-Ecotourism Halimatu Yushawu.
SCENE: Dati nang ginagawa ni Amy Austria ang hindi pagkain sa loob ng labing-anim na oras na sikreto ng kanyang fit and healthy body. Intermittent Fasting na ang tawag ngayon sa diet na nakasanayan ni Amy.
SEEN: Double time sina Dingdong Dantes at Anne Curtis sa pagpo-promote ng Sid & Aya (Not A Love Story) dahil sa May 30 na ang playdate ng kanilang pelikula. Very cooperative sina Dingdong at Anne dahil available sila sa mga mall show nila para sa Sid & Aya.
SCENE: Gustung-gusto ni Michelle Ortega at ng kanyang asawa ang magbunga ang kanilang pagmamahalan kaya sinusubukan nila ang lahat ng paraan. Dalaga na ang panganay ni Michelle kay former Senator Lito Lapid, si Ysabel Ortega na contract star ng ABS-CBN.
SEEN: Literal na nagnakaw ng eksena sa kasal nina Prince Harry at Meghan Markle si Bishop Michael Curry, ang preacher sa Royal Wedding noong Sabado dahil acting na acting siya sa delivery ng sermon niya. Alam ni Curry na milyun-milyong tao ang nanonood sa kanya kaya todo na ‘to ang acting niya.
SCENE: Ang balita na apat na buwan pa na magtatagal sa telebisyon ang FPJ’s Ang Probinsyano, ang top rating primetime teleserye ni Coco Martin sa ABS-CBN.
SEEN: Plano ng ABS-CBN na magkaroon ng Season 2 ang Dance Kids, ang reality dance competition show nina Robi Domingo at Alex Gonzaga na napanood sa telebisyon noong November 2015 hanggang February 2016.
SCENE: Sa last quarter ng 2018 ang target airing ng ABS-CBN para sa Nostalgia, ang primetime drama series ng real-life lovers na sina Joshua Garcia at Julia Barretto. Kasama sa cast ng Nostalgia sina Alice Dixson, Ina Raymundo at Jameson Blake.
- Latest
