Angelica napili pagka-kapitan

CEBU, Philippines – Nakadaog ang pipila ka  celebrities  sa bag-ohay lang nga  Sangguniang Kabataan  ug Barangay  elections.

Sa report sa GMA News,   subling napili pagka-kapitan si  Angelika dela Cruz, sa  Longos, Malabon; samtang nakadaog isip  SK chairman si Miggy Tolentino sa Barangay 34, Maypajo, Caloocan City.

Nahimo usab nga kapitan sa BF Homes  ang igsuon ni  Wynwyn Marquez nga si  Paolo.

Sa laing bahin, napildi si  Boobsie Wonderland o Mary Jane Omes Arrabis kinsa nidagan pagka- barangay chairman sa Bitungol, Norzagaray, Bulacan.

Sharon todo panalipod

Nihatag na og katin-awan si   Sharon Cuneta  sa wala pagdayon  sa  pelikula unta nila ni  Gabby Concepcion.

Gitataw niya nga niuyon gyud baya unta siya sa gi-request nga billing sa maong proyekto.

“Just for the record, I agreed to his requested billing. I really didn’t care. What I cared about was that this, what he called our “legacy” to KC, would be done. FOR HER.

Wala sa akin ang problema. They can lie and make up all the stories they want. But I was willing to do it and swallow what was left of my pride for KC,” suma pa sa iyang social media    post.

Matud pa ni Sharon nga gikapoy na siya   ilabi na nga lahi nga       istorya ang maabot kaniya.

“Nakakapagod. So never mind what “legacy” was supposed to be for KC. I said yes to all demands na. Pero sobra naman ang power-tripping ng mga tao.

Not worth it. Ilang beses na ako na-offend. Why naman will I allow it? And since KC was 2 ako lang naman lahat... so she will surely have MY legacy.

I hope he gives her something, anything for once in her life. The end,” dugang pa niya.

Miss San Remigio–Tourism karong gabii

Karong  gabii  na mahitabo ang  giatngan   nga koronasyon sa labing unang Miss San Remigio-Tourism.  Ang maong indigay nahimugso arun sa pagpaila ug pagpasundayag sa mga nagkadaiyang tinaguang hiyas sa San Remigio nga sarang ikapanghambog sa kadaghanan.

Ang lapyahan sa maong lungsod maoy usa   sa mga tinaguang bahandi sa maong lugar.

Hinungdan nga dinhi naka sentro ang pipila sa gipahigayung shoot ug AVP presentation unya nga masaksihan atol sa maong pageant night.

Napulo ka mga dalagang San Remigiohanon ang magtigi sa tulo ka korona sa kadaugan ug kini mao ang mga kandidata gikan sa Barangay Argawanon South, Barangay Argawanon North, Barangay Poblacion South, Barangay Poblacion North, Barangay Kayam, Barangay Hagnaya, Barangay Poblacion Proper, Barangay Punta, Barangay Poblacion South ug Barangay Looc.

Ang korona nga ilang pagailogan mao ang Miss San Remigio-Tourism Universe, Miss San Remigio Tourism International (First Runner-Up) ug Miss San Remigio-Tourism World (2nd Runner-Up. Ang indigay sa kaanyag mahitabo sa Covered Court Gym sa Lungsod sa San Remigio sa alas syete sa gabii. Ang pageant director niini mao si Jaypee Pleños Lao. Giingong hugyaw nga production number ang masaksihan atol niining kagabhion.

Alexa mipaso na

Nigradwar na gyud sa high school  ang aktres nga si Alexa Ilacad  sa miaging adlaw didto sa.  Treston International College. Matud pa niya nga dili lalim ang pagbalanse sa oras ug iya gyud nga gipaneguro nga dili gyud maapektohan ang iyang pagtuon bisan paman sa ka-busy sa iyang career.

Nag-agi og depresyon

Gibutyag sa usa sa mga miyembro sa Hashtags nga si Paulo Angele nga nag-agi usab siya og depresyon.  Nahitabo kini sa dihang nagsagunson ang iyang mga problema. Maayo  na lang gani nga dunay mga  tawo nga nahimo niyang kasandigan.

My 2 Mommies

Nikita na og P34.5 million ang pelikula nila ni Paolo Ballesteros ug Solenn Heussaff nga My 2 Mommies  sulod sa lima ka adlaw nga pagpasalida. Nalakip usab sa maong pelikula sila si Joem Bascon ug Maricel Soriano.

Utang kabubut-on

Tsika pa ni Nora Aunor nga dako gyud siya og  utang kabubut-on sa GMA-7. Sa dihang namingaw og kalit ang iyang career, ang GMA-7 gyud ang nihatag og trabaho kaniya.Nagpanikad na ang superstar sa umaabot niya nga serye sa maong network.

Wala  gi-greet

Gibutyag sa  beteranang aktres nga si Jenine Desiderio nga wala gyud ni-greet kaniya  niadtong Mother’s Day  ang anak niya nga si Janella Salvador. Taod-taod na nga wala magtingog ang duha.  Una na nga nigawas ang report nga dili uyon si Jenine sa gidungog nga uyab ni Janella nga si Elmo Magalona.

Ingon nagbuwag?

Bisan pa man nga  nangangkon si  Bea Alonzo nga single na siya, giingong nausab na pud ang dagan sa hangin human nag-uban sila ni  Gerald Anderson sa  pagpanuroy sa  Mount Pinatubo.   Nangabang gyud sila og helicopter sa pagtikang  nila sa maong dapit.

Xian nag-direktor na

Tsika pa ni Xian Lim nga malakip sa Cinemalaya 2019 ang pelikula diin siya ang nidala isip direktor.  Suma pa sa aktor nga gusto niya masuwayan ang lain na pud  nga linya sa iyang katakos. Hinuon molugwa gihapon si Xian sa gamaon niya nga pelikula.

Birthday gift

Nakadawat si Mommy Dionisia Pacquiao og bag-ong van isip birthday gift gikan sa iyang anak nga si Manny. Nagbaha ang mga regalo nga nadawat  ni Mommy D. Malipayon kaayo si Mommy D sa relasyon nila sa iyang 42 anyos nga boyfriend.

Pang-millenials

Tsika pa ni Janella Salvador nga swak kaayo sa millenials  ang latest movie nila ni  Jameson Blake  nga  “So Connected”. “Pang millennial siya. It shows you kung paano ang power ng social media, ‘yung internet talaga,” matud pa niya.

Na-touch sa JoshLia

Natandog  og maayo si Sharon Cuneta nila ni Julia Barretto ug  Joshua Garcia  gumikan kay gi-greet gyud siya   niini  niadtong  Mother’s Day, May 13. Nakatrabaho ni Sharon ang JoshLia kauban si  Robin Padilla sa pelikulang Unexpectedly Yours sa miaging tuig.“Thank you to my ‘babies,’ Julia and Joshua, for their sweet messages to me on Mother’s Day,” matud pa sa megastar.