Gisugdan na

CEBU, Philippines – Usa si Janine Guttierez sa mga kapares ni Alden Richards  sa pantaseryeng  Mitho sa GMA-7.   Gisugdan na ang taping niini sa miaging adlaw.  Pabiling gihilom ang ubang artista nga malakip sa maong proyekto.

Vina balik-telebisyon

Nagpanikad na si  Vina Morales  sa hingpit na niya nga pagbalik sa telebisyon.  Malakip ang singer-actress sa seryeng  Araw Gabi nga pagabidahan nila ni  JM de Guzman ug  Barbie Imperial. Kontrabida ang iyang role sa maong serye.

Nahuman gyud

Tsika pa ni Anne Curtis nga dili  gyud  basta-basta ang pagsalmot niya sa London Marathon  gumikan kay ganahan na gyud unta siya mo-surrender  apan nipatigbabaw gyud ang iyang determinasyon nga humanon ang 20 kilometros nga iyang gidaganan. “And I did it!  “Finished my Second World Major Marathon,” suma pa sa social media post ni Anne.

Kaugalingong paningkamot

Nagpanikad na si Andrew Muhlach sa mahimong resulta sa iyang launching movie nga #SquadGoals ubos sa Viva Films.  Co-stars ni Andrew sila si  Jack Reid, Vitto Marquez, Julian Trono ug  Dan Huschka.  Gusto  ni Andrew nga makahulma og kaugalingong identity ug dili siya magsalig sa  kasikat sa iyang igsuon nga si Aga Muhlach.

Tungod ni Alice

Gikatahong gi-adjust gamay ang dagan sa istorya sa Ang Probinsyano gumikan sa kinalit nga paglarga ni Alice Dixon sa  Greenland alang sa shooting sa pelikula nila ni Aga Muhlach.  Dili pa matino kon makabalik pa ba si Alice sa Ang Probinsyano.

Wala’y ideya

Gitataw ni Ara Mina nga normal lang gyud sa magtiayon nga magkasungi usahay. Reaksyon kini ni Ara kalabot sa tsika nga matud pa nagtakilid ang kaminyuon  sa iyang igsuon nga si Cristine Reyes ug sa bana niini nga si Ali Khatibi.  Gitataw sa aktres nga wala siya’y ideya sa maong isyu.

Ma-relax sa tanom

Gipabutangan gyud ni Coco Martin og daghang tanom ang palibot sa iyang balay sa Quezon City.  Suma pa sa aktor nga maka-relax gyud ang mga tanom.

Padayon sa trabaho

Extended og pipila ka semana ang serye nila ni Megan Young ug Katrina Halili nga The Stepdaughters.   Kanselado ang gikatakda nga laag sa mga bida gumikan sa pag-extend niini.

Target ni Maricel

Gipangandoy ni Maricel Soriano nga makatrabaho puhon sila si Jodi Sta. Maria, ug  Liza Soberano. Nalipay ra hinuon si Maricel gumikan kay makauban niya sa usa ka Kapamilya series ang aktres nga si Angel Locsin kinsa target usab niya kaniadto.