The hows of us

Mobida na sab sa laing big screen project sila si Kathryn Bernardo ug Daniel Padilla sa pelikula nga nag-ulohan og “The Hows Of Us”. Magtuki ang istorya sa duha ka mature couple nga adunay long-term relationship. Matud pa ni Daniel  nga mao kini ang pelikula nga labing duol sa ilang kasingksing ni Kathryn tungod kay sama kini nila nga anaa sab sa long-term relationship.

Nagsakit ang likod

Mipasabot si Yeng Constantino pinaagi sa iyang Instagram account kon nganong wala siya makatambong sa kasal sa higala ug kanhi katrabaho nga si Rachelle Ann Go kinsa gikasal niadtong Miyerkules sa Boracay. Matud pa ni Yeng nga tulo ka adlaw na nga nagpanakit ang iyang likod tungod sa iyang scoliosis.

Laing prayoridad

Wala magdali ang magtiayong Maxine Magalona ug Rob Mananquil nga makabaton og anak. Matud pa ni Maxine nga aduna silay tagsa-tagsa ka mga prayoridad karon nga kinahanglan nilang unahon.  “Ang usapan naman namin ni Rob, 'yung wedding namin is just like a celebration. After nun, tuloy ang buhay. Kumbaga, we will still support each other in our individual dreams. Like him also, he’s pursuing his music. Ako rin,”, suma pa ni Maxine.

Panawagan ni Lea

Nanawagan ang Broadway Star Lea Salonga nga klaruhon pagsulti ang mga pulong nga ilitok sa mga call center agent. Sa iyang Twitter post, gipadayag niya nga importante nga klaro ang mensahe nga ipadangat sa mga call center agent ngadto  sa ilang costumers.  “Dear call center phone reps leaving messages for your customers, PLEASE ENUNCIATE! One such rep left a message that I could not, for the life of me, understand. Words were chewed up and garbled. Clarity is everything. Thank you.”, post pa ni Lea.

Excited sa subling pag-arte

Mapasalamaton ang Diamond star nga si Maricel Soriano sa laing oportunidad nga gihatag kaniya sa showbiz industry. Taud-taud na nga nagpahuway sa pag-arte si Maricel ug gitug-an niya nga excited na gyud siya sa iyang pagbalik. Taod-taod na nga gimingaw  sa showbiz  ang diamond star

Duha ka pelikula

Puno gyud ang schedule karon ni Bea Alonzo gumikan kay busy siya sa pag-shoot sa duha ka mga pelikula nga nag-ulohang “Eerie” ug “Kasal”. Bisan  pa man sa kabug-at  sa maong trabaho, malipayon gihapon ang  aktres gumikan kay wala gyud nabakante ang iyang career.

Nangluod sa una

Mibalik na isip Kapamilya ang hot actor nga si Derek Ramsey. Nakahinumdom ang  aktor  nga nangluod si Bea Alonzo niya sa una sa dihang  nibalhin siya sa TV5.  Duna sila’y pelikula kaniadto apan wala kini madayon.  Apan karon, madayon na gyud kini pinaagi sa Star Cinema movie nga nag-ulohan og Kasal.

Dream come true

Natubag na gyud ang pag-ampo ni Maja Salvador nga mahimong endorser sa usa ka make up brand.  Maingon nga dream come true  gyud kini alang kang Maja.

Nidayeg ni Grae

Gidayeg ni Teacher Georcelle ang determinasyon ni Grae Fernandez nga makat-on og sayaw. Matud pa niya dili gyud natural nga dancer ang teen star ug naningkamot gyud kini nga makat-on nga pulido gyud ang moves niini. “Kapag nagkamali 'yan sa rehearsal, konting ganyan lang, alam niyang nagkamali siya, maya-maya aayusin niya at ipa-polish niya. Alam niya na, 'Mali ako, kailangan kong trabahuhin ito, kailangan kong ayusin.' He doesn't wanna mess up on stage and that's a good attitude”, suma pa ni Teacher Georcelle.

Nagkuha og vocal coach

Wala gilimod ni Gil Cuerva nga bag-o alang kaniya ang pagkanta. Usa kini ka hidden talent niya nga mapakita sa musical/romcom nga “My Guitar Princess” ug dad-on niya ang karakter sa usa ka Canadian Popstar nga si Elton. Matud  pa niya nga aron kampante siya sa iyang mahimong performance, nagpatabang siya ni Thor Dulay kinsa giila isip “Master of Soul”. Si Thor ang nagsilbi nga vocal coach ni Gil.