Gikilig sa tandem

Gidayeg ni Bea Alonzo ang asawa ni Ian Veneracion nga si Pam Gallardo-Veneracion gumikan kay wala gyud kini magselos sa mga eksena niini sa serye nga” A Love To Last.” Tsika usab ni Ian nga gikilig ang iyang asawa sa ilang tandem ni Bea. Malipayon usab silang Ian ug Bea tungod sa suporta nga nadawat nila sa ilang tagsa-tagsa ka mga pares sa kinabuhi.

Tawag Ng Tanghalan Champion

Ang pambato sa Negros Occidental nga si Noven Belleza maoy nakalangkat sa unang pwesto sa Tawag ng Tanghalan Grand Finals nga gipahigayon kagahapon sa Resorts World Manila. Gibwelta ni Noven ang Air Supply Medley nga maoy naghatod niya sa kadaugan. Nakaangkon siya og 99.96% nga puntos gikan sa mga hurado ug text votes.

Mahimong Theme Song

Nagmalaumon ang singer-aktres nga si Vina Morales nga unta usa sa iyang mga awit mamahimong  theme song sa mga teleserye puhon. “Hopefully, sana naman marinig ulit yung boses ko araw-araw na naglalambing sa Chanel 2”, suma pa ni Vina.

Ni-Back-Out

Giingon nga niback-out si Superstar Nora Aunor nga mamahimong guest ug main judge sa Tawag ng Tanghalan Grand Finals tungod kay mahadlok siya nga bastuson lang siya ni Vice Ganda. Gitataw niya sa iyang mensahe nga dili gyud niya mabuhat ang makig-atubang ni Vice nga adunay kalagot nga gibati. Nangayo usab siya og dispensa sa mga tigdumala sa It’s Showtime tungod sa iyang pagbalibad.

Naghuwat Ra

Giklaro ni KC Concepcion wala siya mobiya sa iyang trabaho sa showbiz. Naghuwat lang siya og tukmang proyekto nga haom alang kaniya. Gisaysay niya nga padayon siya nga makadawat og mga tanyag apan mobalibad una siya gumikan kay nakita niya nga dili alang kaniya ang maong karakter. Kasamtangang busy usab siya karon sa iyang nilambo nga mga negosyo .

Present Sa Selebrasyon

Mipatim-aw ang aktor nga si Joshua Garcia sa exclusive birthday celebration nga gipahigayon sa pamilya ni Julia Barreto niadtong Biyernes sa Sugar Factory sa Taguig City. Nilugwa ang aktor nga adunay dala nga bouquet ug usa ka pink stuffed animal isip regalo ngadto sa aktres.