Bashers gisuklan

Mialma si Jade Ecleo-Villaroman  , ang inahan sa rumored girlfriend ni Paulo Avelino nga si Natasha Villaroman kalabot sa isyu nga nagparetoke sa ilong ang iyang anak. Giatake pag-ayo ni Mrs. Villaroman ang bashers sa iyang anak. Gitataw sa inahan ni Natasha nga duna’y problema kaniadto sa ilong ang iyang anak busa kinahanglan kini nga  operahan ug wala siya’y nakita nga dautan niini.  Matud pa niya nga walay dautan sa pagparetoke.

Importante ang edukasyon

Bisan sa ka-busy ni Iñigo Pascual , iyahang gipaneguro nga dili maapektohan ang iyang pag-eskwela. Una na nga gipasalig ni Iñigo ngadto sa iyang amahan nga si Piolo nga dili gyud niya pasagdan ang iyang pag-eskwela.

Wala’y TF

Giingong wala magdawat og talent fee sa paglugwa niya og balik sa telebisyon  pinaagi sa iyang one-on-one interview kang Presidente Rodrigo Duterte nga matan-awan sa TV5 ug  PTV4.  Giingong aduna kini koneksyon  sa usa sa mga adbokasiya ni Kris  kalabot sa negosyo.

Supportive mom

Giklaro ni Vilma Santos nga dili siya magbuot sa ikalipay sa iyang anak nga si Luis Manzano partikular na sa lovelife niini.  Matud pa ni Ate V nga suportahan ra niya si Luis nga maoy gidungog nga bag-ong uyab ni Jessy Mendiola.   Nasayran nga suod ni Ate V ang ex-girlfriend ni Luis nga si Angel Locsin. “He is old enough, mature enough to handle his life,”  suma pa ni Ate V.

JM mibalik sa rehab?

Nikisaw karon ang taho nga matud pa nibalik si  JM de Guzman sa rehabilitation center.  Kahinumdoman nga  nawala og balik si JM sa showbiz  human gidungog nga nibalik sa iyang dautang bisyo.

Snooky gisuwerte

Malipayon si  Snooky Serna gumikan kay malakip siya  sa bag-ong serye nila ni  Kristoffer Martin ug Joyce Ching sa GMA-7 nga Hahamakin Ang Lahat. Mapasalamaton si Snooky sa GMA-7 gumikan kay wala gyud mabakante ang  iyang career karong tuiga.

Billy napriso sa HK?

Gidungog nga  nakakita og gubot si   Billy Crawford didto sa Hongkong sa miaging semana hinungdan nga napriso kini og pipila ka oras. Matud pa nga nasumbagan ni Billy ang tawong nisuway og panglili sa iyang  uyab nga si Coleen Garcia. Tak-om pa si Billy sa pagsuwat niini nga balita.

Aljur nasuko kang Julian

Nagplano si Aljur Abrenica nga komprontahon ang laing Kapuso star nga si Julian Trono gumikan kay  duna kini gibuhat nga dili maayo ngadto kang Kylie Padilla.   Nasayran nga nauyab ni Julian si Kylie sa dihang wala pa nagbalik sila si Aljur ug Kylie.

Dakong garbo

Tsika pa ni Paulo Avelino nga dakong garbo alang kaniya nga nakauban niya sa trabaho ang banggiitang aktor nga si Dingdong Dantes. Kahinumdoman nga si Dingdong maoy host sa dihang nasalmot si Paulo sa StarStruck kaniadto. Magkauban karon ang duha sa  pelikulang The Unmarried Wife.