Labing hayag nga bidlisiw ni Natasha

CEBU, Philippines - Pabiling mapaubsanon ug naghatag og inspirasyon ngadto sa kababainhan ang garbo sa Sugbo nga si Natasha Angele Manuel kinsa naproklamar nga labing una nga Jewel of the Philippines.

“I would like to inspire women and send them a message that beauty is skin deep. It’s something you just don’t see in the mirror. It’s something that you feel with your heart and something that you actually do,” suma pa sa   21 anyos nga si  Natasha.

Dili masukod ang kalipay nga gibati ni Natasha nga siya ang giproklamar nga labing una nga rayna sa Jewel of the Philippines nga ubos sa pagdumala sa naila nga pageant franchiser nga si John Dela Vega o nailhan sa kadaghanan isip JDV.

Matud pa ni JDV nga ang tumong sa maong kalihukan mao ang pagmugna og matahom nga rayna nga mamahimong modelo sa adbokasiya alang sa katilingbanong kausaban nga adunay kalabotan sa paghatag og gahum ngadto sa mga kababayehan ug kabataan.

Gipahigayon ang maong indigay sa kaanyag  sa Tanghalang Pasigueño sa Pasig City  bag-ohay lang. Tsika pa ni Natasha atol sa pakighinabi sa mga higala sa media nga wala siya magdahom nga siya ang makoronahan niadtong gabhiona gumikan kay wala siya makadawat bisag usa lang ka minor award.

 Bisan pa man sa iyang ka-busy, nagmadasigon gihapon si Natasha ug naningkamot nga buhaton niya ang tanan tungod kay adunay mga tawo nga padayon nga mosuporta ngadto kaniya. Dako usab ang iyang pagtuo nga wala’y imposible nga makuha niya ang maong titulo gumikan kay daghan ang misalig sa iyang abilidad. Duna pu’y  mga tawo nga kanunay nga mopaluyo sa iyang kadaugan. Usa na ang Cebuano fashion designer nga si Lemuel Rosos ug ang higala niini nga si Dr. Joel Salahudin nga miabiba ngadto kang Natasha.

Gani, si Lemuel usab ang nagmugna sa mga swimsuit attire nga gigamit sa mga kandidata sa maong pasundayag. Malipayon usab siya gumikan  kay nahatagan siya og higayun nga mapakita ang iyang katakus sa pagmugna.

Niabot ngadto sa 21 ka mga matahum nga dalaga ang nagtigi sa maong korona apan si Natasha ang mipatigbabaw ug napilian sa mga hurado gumikan sa hugyaw niya nga  performance niadtong higayona.

Si Natasha ang mamahimong pambato sa atong nasud sa umaabot nga labing unang Jewel of the World nga gikatakdang ipahigayon sa kauluhan sa Marso sunod tuig.

QanA

E-GROUP: Naka-visualize ba ka nga ikaw ang makadaog isip Jewel of the Philippines?

NATASHA: During the pageant, naay minor ug corporate awards, and we see them nga sila lang ang gabalik-balik, (nakadawat og awards). Kato na part, nakahunahuna ko nga I would not get the crown kay murag naay crowd favorite, naay sponsor favorite. But when I go backstage, people actually believed in me. People whom I  only met like assistants sa other sponsors, make-up artists kay ma-encourage ko to do  better when I go out (stage). And It’s overwhelming, I really didn’t expect to win

E-GROUP: Naka-feel ba ka na underdog ka sa pageant?

NATASHA: Wala ko ka feel nga na underdog ko kay daghan man og mo express sa ilang  support ug sa mga blogs is okay akoang standing.

E-GROUP: Giunsa nimo pagkahibaw nga naay Jewel of the Philippines? Pwede ka mo-share about sa pageant?

NATASHA: Si Sir Lemuel (Rosos)  ang nag-ingon nako kay siya man ang naghold  og franchise diri sa Cebu. He was to hold a local pageant sa Jewel of the  Philippines so that he would be able to represent Cebu sa national pageant but due  to time constraint, he had picked me.

E-GROUP: Pagkahibaw nimo na ikaw ang pambato sa Cebu, pila ka weeks ka  nagprepare? Unsa ang imong preparations?

NATASHA: One month before the pageant. During the screening period, gitextsan ko ni Sir Lemuel nga naay screening inig ka Saturday unya wala ko na-orient hahaha... After the screening, nagsugod nako og diet, dayun work-out.

E-GROUP: Unsa ang imong nafeel during the pageant?

NATASHA: Kulba kay possible nga I’ll win the top title but it’s possible na wala ko.  They are always complimenting me nga nindot jud daw ko... Nga maayo ko molakaw... Maayo daw ko modala sa akong kaugalingon. Sigi sila og push nako  maybe because sa attitude and mao na they liked on how I deal with them. Na-pressure sab ko kay si Sir Lemuel ang nag-provide sa production number ug basin naay  candidate nga makaingon ba nga bias. And since I won, basin makaingon ba. Siguro naay  istorya but  I talked to some of the candidates after the awarding. Ingon sila nga wala ra sa  ilang mind and I performed well man sab daw.  During the  pageant was a pressure, huge pressure on my part to be able to do my best that if ever I will win, it’s because I deserve the crown.

E-GROUP: Human sa Miss Mandaue 2013 ug Miss Cebu 2014, ngano naka-decide ka nga mohunong usa ka sa pageant?

NATASHA: After Miss Cebu, I was busy since I was then a 3rd year college student. Sa  bank accountancy, the difficult years started 3rd year and then 4th year pud. So nahunong ko and I spent 4 months sa US to have my OJT. When I came back, ni  gain ko og 8 kilos. The more nga dili sa ko, unya graduating sad ko ato sa masters. Sir Lemuel asked me kung ready na ba ko for nationals and I told him na mo-graduate sa ko para naa sad koy time nga mopaus-us og  eight kilos. Atleast by that time, wala nay conflict kay mao pud ang nahitabo sa Miss Cebu. Ang challenge jud nako at that time was balancing my studies and the activities sa pageant.

E-GROUP: Unsa jud ang imong career goal?

NATASHA: Siguro sa banking industry if dili mag flight attendant.