Finalist sa Vispop gipahibalo na!

CEBU, Philippines - Pormal na nga gipaila sa grupong ArtistKo ang unom ka mga finalist alang sa ikapito ka tuig sa Vispop.

Usa ka songwriting campaign ang Vispop nga nagdasig sa mga Visayan-speaking composers ug sa mga tawo nga mahiligon sa musika aron sila makagama og lapad nga kalidad nga mga bisaya nga awit  alang sa publiko.

Nasayran nga teenagers ang  kasagaran  nga maka-relate sa Vispop 4.0,  ug napuno kini sa pakilig. Ang unom ka  finalists nga nakasulod sa Vispop 2016 mao sila si Sherwin Fuguso ug Marajane Monton sa awit nga Imoha Ra Akong kasing-kasing; Juan Cadeliña ug Irving Guazon sa awit nga Damgo; Kenneth Corvera sa awit nga Pep-pep; Joseph Gara sa awit niya nga Paghunas; Marie Salvaleon sa iyang awit nga Suwat ni  Maria; ug awit nga ginama  ni  Jerika Teodorico nga  Baklay.

Misikat ang Vispop dili lang diri sa Cebu kundi naabot na pud kini sa lain-laing lugar sa Pilipinas. Karong tuiga , nikabat og kapin sa 360 ka mga song entries ang nadawat sa ArtistKo nga dakong gikalipay nila tungod kay mas nagkadaghan ang nisalmot niini matag tuig hinungdan nga  nilungtad og usa ka adlaw ang screening niini karong tuiga.

Matud sa Vispop project director Insoy Niñal nga dili basta-basta ang  ilang pagpili og mga hugyaw  nga awit ug ila gyud gipili og tarong ang mga kanta nga makakuha dayon sa atensyon sa publiko.

Ang  makadaog karong tuiga sa Vispop makadawat og premyo nga P30,000 sa grand winner , P20 ,000 alang sa first runner-up ug P10,000 sa second runner-up.

Ipahigayon karong Hunyo 18 sa SM Seaside City Center Stage ang awarding sa mga winners.

Maine emosyonal

Emosyonal si Maine Mendoza sa paglakaw ni Alden Richards sa Italy. Mi-una og uli sa Pilipinas ang pambansang bae gumikan kay daghan pa kining buhatonon nga proyekto  samtang si Maine nagpabilin pa sa Italy kay aduna pa  siya’y i-shoot nga commercial sa laing nasud. Sa video nga gi-post sa Instagram makita ang kaguol sa nawong ni Maine sa pag-uli ni Alden.

Buhaton ang tanan  

Gipadayag sa Kapamilya singer nga si Michael Pangilinan ang iyang mga plano sa iyang unang anak. Importante gyud sa maong singer ang kaugmaon sa iyang anak hinungdan nga buhaton gyud niya ang tanan alang niini. “Gusto ko na by the time na two or three years old na siya, kailangang meron na din siyang sarili niyang pera, may sarili na siyang.. Kumbaga, ngayon pa lang pinaghahandaan ko na yung pag-aaral niya. Gusto kong ma-secured yung future niya,” suma pa ni Michael. 

Second album           

Ipagawas na ang ikaduhang album sa Kapamilya singer nga si Darren Espanto. Naghinam-hinam na usab ang maong singer nga madunggan sa iyang  fans ang iyang mga bag-ong awit. “I am proud to announce that my second album, "Be With Me" is now available for download!!! Featuring the singles, "7 Minutes", "Starlight", "Parachute" and "Home"! Excited for you guys to hear it! Brought to you by MCA Music!” suma pa ni Darren sa iyang Instagram post.

Hugyaw si Sharon

Gabaha ang mga positibong mensahe  alang  sa bag-ong coach sa ikatulong season sa The Voice Kids nga si Sharon Cuneta sa  unang adlaw nga paglugwa  niya  sa maong show niadtong  Sabado. Trending usab si Sharon sa Twitter sa maong adlaw busa nagmaya siya og maayo.

Nakasulod gyud

Nalakip sa Green Day’s American Idiot nga musical ang kanhi contestant sa The Voice Philippines nga si Jason Fernandez. Matud ni Jason nga dili gyud sayon ang iyang  pag-audition sa maong musical tungod kay lisod kaayo ang mga gipabuhat niini kaniya. Malipayon usab kaayo ang singer nga nakaya ra niyang buhaton ang tanan.

Best in harana

Giharanahan sa GMA News  reporter nga si Mark Zambrano ang iyang girlfriend nga si Aicelle Santos. Gi-post nila kini sa Instagram  ug gikanta ni Mark ang  Narito nga gipasikat  ni Gary Valenciano. "My occassional singer and personal interpreter. I miss you mahal," suma pa ni Aicelle sa iyang Instagram post.

Star studded

Nagbaha ang  sikat nga mga artista sa nasud  ang nitan-aw  sa hugyaw nga concert ni Jason Derulo sa SM Mall of Asia Arena niadtong  Biyernes sa gabii. Usa  na niini ang Unkabogable queen nga si Vice Ganda kauban ang  iyang mga higala, Kapamilya singer nga si Darren Espanto, JK Labajo,  Khalil Ramos, Derrick Monasterio , Kritoffer Martin, Carl Guevarra ug uban pa.

Mosunod ni mama

 Pangandoy ni  Andi Eigenmann nga masusama siya puhon sa iyang inahan  Jaclyn Jose nga makadawat og international acting award. Gipasigarbo pag-ayo ni Andi ang iyang inahan gumikan sa kadaogan niini pagka-best actress sa Cannes Film Festival. "The recognition my mother got is only sole proof of how outstanding she is at what she does, and I cannot be any more proud. I dream to be like you someday, Nanay," suma pa ni Andi.

Gipakita na

Gi-post na sa social media   ang gipaabot nga video sa kasal nila ni Solenn Heusaff ug Nico Bolzico. Gigama ang maong video clip  sa inila nga  videographer  nga si  Jason Magbanua. Sa lima ka minutos nga video makita ang ilang mga wedding vow ug ang mga mensahe sa ilang pamilya ug mga suod nga higala.

Nawala ang cellphone

Puwerting guola ni Annabelle Rama sa pagkawala sa iyang cellphone nga Red Nokia  sa miaging gabii.  Sa  iyang instagram account , nanawagan siya sa mga tawong nakakita niini nga iuli unta niya ang iyang cellphone nga duna’y rubber band. "Wala na akong cellphone. Maawa naman sana kung sino man ang nakapulot..." suma pa ni Anabelle.

Carla nakadaog

Gipildi ni Carla Abellana ang iyang kanhi loveteam nga si Rafael Rosell sa musical reality competition sa GMA 7 ang Lip Sync Battle  niadtong Sabado. Gipakita ni Carla ang hugyaw niya nga performance sa maong kompetisyon kung diin gisunod niya  si  Katy Perry  busa puwerting lingawa sa viewers nga nagtan-aw niya. (BANAT NEWS)