Mananaog sa 28th Awit Awards

CEBU, Philippines - Sila Sarah Geronimo ug  Yeng Constantino maoy pipila sa mga mang-aawit nga nakaangkon og major awards sa   28th Awit Awards  nga gipahigayon sa  Music Museum ,niadtong Miyerkules sa gabii.

Si Sarah maoy nakalangkat sa  Album of the Year alang sa album niya nga   “Perfectly Imperfect,”  samtang ang awit ni Yeng  nga “Ikaw” maoy napili nga  Song of the Year.

Samtang nakaangkon og duha ka mga pasidungog  si Darren Espanto nga naglangkob sa Best Album Package ug  Best Performance by a New Male Recording Artist.

Ang  Awit Awards   maoy tinuig nga kalihukan nga naghatag og rekognasyon sa  Filipino performing artists ug sa mga tawo nga maoy naa sa likod sa pagpalambo  sa music industry.

Listahan sa  winners sa  28th Awit Awards:

Album of the Year

Perfectly Imperfect – Sarah Geronimo

Song of the Year

Ikaw – Yeng Constantino

Music Video of the Year

Out of Control – Pupil

Best Performance by a Female Recording Artist

Never Knew Love (Until I Met You) – Janice Javier

Best Performance by  a  Male Recording Artist

Buntong Hininga – Johnoy Danao

Best Collaboration

May Bukas Pa – Lani Misalucha ft Angeline Quinto, KZ Tandingan & Yeng Constantino

Best Performance by a Group of Recording Artists

Krismas Na – Koro Ilustrado

Best Performance by a New Female Recording Artist

Dear Heart – Kiana Valenciano

Best Performance by a New Male Recording Artist

In Love Na Ako Sa’yo – Darren Espanto

Best Performance by a New Group Recording Artists

Paano – Innervoices

Best Performance by a Child/Children

Narito Ako – Lyca Gairanod

Best Selling Album of the Year Award

Deeper – Julie Anne San Jose

Best Ballad Recording

Mahal Ko o Mahal Ako – KZ Tandingan

Best Rock/Alternative Recording

Salbabida – Kyla, Jungee Marcelo

Best World Music Recording

Salubong – Johnoy Danao

Best Dance Recording

Dyosa – Yumi Lacsamana

Best Inspirational/Religious Recording

Ipagpatuloy Mo, Galing ng Pilipino – Gary Valenciano

Best Rap Recording

Dedma – Abra & Julie Anne San Jose

Best Jazz Recording

Hindi Magbabago – Arthur Manuntag

Best R&B Recording

Torpe – Kris Lawrence

Best Regional Recording

Usahay – Pilita Corales ft Chad Borja

Best Song Written for Movie/TV/Stage Play

Ipagpatuloy Mo, Galing ng Pilipino – Gary Valenciano (TFC 20th Anniversary)

Best Album Package

Darren Espanto

Special citations:

We Are All God’s Children —Jamie Rivera

OMB Chairman Ronnie Ricketts

Highest grossing na?

Second Chance P442M na?

Nag-victory party ang Star Cinema niadtong Miyerkules  gumikan kay sulod sa tulo ka semana nga pagpasalida sa A Second Chance, padayon gihapon kini nga gilinyahan sa mga tawo ug mikita na kini og  P442 million sa  box office.

Ang tibuok cast, crew, ug  creative team mapasalamaton sa dakong kalampusan nga ilang naangkon sa pelikulang gibidahan nila ni Bea Alonzo ug John Lloyd Cruz.

Samtang emosyonal  ang  award-winning director   nga si Cathy Garcia-Molina atol sa iyang  speech

Gipaabot nga molabaw na kini  sa  Amazing Praybeyt Benjamin”  ni Vice Ganda nga maoy naghupot sa  record nga highest grossing Filipino film of all time  human mikita kini og P400 million sa tibuok panahon nga pagpasalida niini . 

Gilabwan na usab niini ang  pelikulang “Starting Over Again” sa Star Cinema nga gibituonan nila ni Piolo Pascual ug Toni Gonzaga kinsa  nihipos og P375 million sa box office pagsalida niini sa nilabay nga tuig.

Selosa ang GF 

Giingong dunay gamay nga selos nga gibati ang kasamtangang uyab ni Derek Ramsay ngadto sa ex-girlfriend sa aktor nga si Solenn Heussaff. Aduna’y mga panahon nga nikuyog gyud ang maong babaye sa shooting sa pelikula nila ni Derek ug Solenn  nga Love Is Blind sa Regal Films.

Aron mahuwasan?

Todo bakasyon si Rocco Nacino didto sa La Union uban sa iyang mga barkada. Aduna’y mga nagduda nga  usa kini sa gibuhat sa aktor aron dali ra maka-move on sa gidungog nga  breakup  nila ni Lovi Poe.

Tubag giatngan

Giatngan sa kadaghanan ang tubag ni Louise delos Reyes  kung mosugot ba siya  o dili sa breast exposure sa pelikula nila ni Aljur Abrenica nga Hermano Puli. Una na nga nagpares ang duha kaniadto sa seryeng Kambal Sirena sa GMA-7.

Denial queen?

Naputos sa mga pagsaway ang nadawat ni Jennylyn Mercado gikan sa netizens gumikan sa mensahe sa aktres nga matud pa wala sila nagbalik ni Dennis Trillo. Ang duha nanuroy bag-ohay lang didto sa Amsterdam.  Suma pa sa pipila ka netizens nga puol na ang pagsige og deny ni Jennylyn.

Wala’y TF

Giklaro ni Vhong Navarro nga wala siya’y nadawat nga kuwarta  sa pag-endorsar sa kandidatura ni Mar Roxas pagka-presidente. Gipadayag kini sa aktor human niulbo ang hungihong nga P6 million ang nadawat niya nga talent fee gikan kang Roxas.

Gipangandaman ni Sofia

Gibutyag ni Sofia Andres nga kinahanglan na niya nga magpa-slim isip pagpangandam sa project nga iyang maangkon sa ABS-CBN karong 2016.  Aduna siya’y serye uban kang Diego Loyzaga. Dako kining hagit alang kaniya gumikan hingaon siya nga pagkatawo.

Kanhi artista ang amahan

Artista diay  niadtong 1990’s ang amahan ni Jerome  Ponce nga si Jessie Delgado. Kanunay nga nalakip si Jessie kaniadto sa mga action movie. 

Target ni Robin

Karon nga nibalik na si  Robin Padilla sa ABS-CBN , okay lang kaniya makauban pagbalik sa trabaho ang mga kanhi niya uyab nga sila si  Kris Aquino ug Sharon Cuneta. Andam usab siya nga makauban sa usa ka proyekto ang iyang mga pag-umangkon nga sila si Daniel Padilla ug Bella Padilla.

Showbiz career  ang prayoridad

Tsika pa ni Albie Casiño nga pahimuslan niya ang pagsaka og balik sa iyang career busa dili pa siya andam nga makauyab og balik. Usa sa nakatabang sa career sa aktor mao ang seryeng On The Wings of Love nga gibidahan nila ni Nadine Lustre ug James Reid. Suma pa niya nga dili pa panahon nga mosulod og balik sa kalibutan sa gugma.  “Huwag muna,” hirit pa ni Albie.

Subling magpares

Subling magpares sila si Jennylyn Mercado ug Derek Ramsay sa umaabot nga pelikula sa Quantum Films My Candidate . Target kini nga ipasalida sa unang quarter sunod tuig. Kahinumduman nga nagmalampuson ang panagpares kaniadto nila ni Derek ug Jennylyn sa pelikulang ‘English Only, Please” kung diin napili sila nga best actor ug best actress sa 2014 Metro Manila Film Festival.