Mahiligon sa musika

CEBU, Philippines – Masaligon si Janella Salvador nga magkasuod dayon sila sa bag-o niya nga ka-loveteam nga si Elmo Magalona gumikan kay susama silang duha nga mahiligon sa musika. Ang duha maoy magpares sa upcoming series sa ABS-CBN nga Born For You.

Derrick recording artist na

Mipirma og duha ka tuig nga kontrata si Derrick Monasterio sa  GMA Records niadtong Miyerkules. Suma pa sa aktor nga dugay na gyud siya nangambisyon nga mahimong singer apan pag-arte maoy unang opurtunidad nga niduol kaniya busa malipayon siya karon gumikan kay natuman na gyud kini.

Nausab ang destinasyon

Molarga na karong  adlawa si Lovi Poe paingon sa Amsterdam.  Wala gidayon sa aktres ang plano niya nga motikang sa Paris gumikan sa kabalaka human giatake sa terorista ang maong dapit.

Dedmahay sa usa’g-usa

Silingan diay ang kanhi mag-uyab nga sila si Katrina Halili ug Kris Lawrence apan mag-dedmahay ra ang duha sa higayon nga magkasugat sila sa dalan. Si Katrina maoy nangunay og atiman sa ilang anak nga si Katie.

Jana sa MMK

Ang main star sa seryeng “Ningning” nga si Jana Agoncillo maoy bida  sa episode karong gabii  sa Maalaala Mo Kaya.  Modala si Jana sa role nga batang  duna’y duha ka mga sakit,  ang  bone marrow cancer ug sakit sa panit. Nalakip usab sa maong episode sila si Precious Lara Quigaman ug Coney Reyes.

Abogado na pud

Nagbuwag na sila si Valerie Concepcion sa iyang boyfriend nga doctor. Apan karong panahona, abogado maoy iyang ka-date ug dako ang posibilidad nga magkadayon sila niini kung basehan ang mga pamahayag ni Valerie.

Sunod tuig pa

Gibutyag sa magtiayong Iya Villania ug Drew Arellano nga sa 2016 pa sila gustong makaanak. Gi-enjoy pa sa duha ang ilang kaminyuon pinaagi sa todo bakasyon sa nagkalain-laing  lugar.

Kathryn gisUprIsa ni Daniel

Gisurprisa ni Daniel Padilla sa set sa Pangako Sa ‘Yo ang iyang onscreen partner nga si Kathryn Bernardo. Gihatagan niya kini og cake ug red rose.  Nalingaw usab ang duha sa pagsakay og biseklita.

Christmas gift

Tsika pa ni Dingdong Dantes nga dili na kinahanglan nga makadawat pa siya og material nga butang isip Christmas gift. Ang anak nila ni Marian Rivera nga si Maria Letizia maoy labing hugyaw nga regalo nga iyang nadawat.

Bryan motikang sa EB

Ang international singer nga si Bryan White maoy special guest karong adlawa sa Eat Bulaga. Mag-promote ang singer sa iyang  umaabot nga concert sa Araneta Coliseum karong December 1. Si Bryan maoy nagkanta sa God Gave Me You nga kanunay gamiton sa AlDub kalserye. (Sanden J. Anadia)