OTWOL nakatabang ni Kyla

CEBU, Philippines – Naapil sa kahig ang singer nga si Kyla sa kasikat sa seryeng On The Wings of Love  sa ABS-CBN gumikan kay siya maoy nagkanta sa theme song niini.

Nasayran nga kanunay nga trending sa social media ang nagkadaiyang eksena sa maong serye nga gibidahan nila ni James Reid ug Nadine Lustre.

Giangkon sa singer nga kiligon gyud siya sa higayon nga ipatukar ang version niya sa On The Wings of Love ug mapasalamaton siya gumikan kay nataypan ra sa publiko ang maong kanta.

“Masaya ako dahil marami ang nakaka-appreciate ng song. Kinikilig talaga ako sa totoo lang na every time magpla-play ang song na ‘yun and nakakatuwa kapag may naririnig akong nagsasabing ‘You know mas nakakadagdag ng kilig pag naririnig namin ‘yung voice mo doon, kapag nagpla-play na ang On the Wings of Love,’” nagkanayon si Kylie sa  interview niini sa  Push.com.ph.

Matud pa ni Kyla nga fan pud siya sa OTWOL busa dakong garbo alang kaniya nga siya maoy nagkanta sa themesong sa maong serye .

“Siyempre nakakakilig ‘yun, nakaka-flatter din ‘yun na you know kahit papano tumatatak din sa kanila ‘yun and you know nakakapag-add ng kilig doon sa scenes. Kasi ako fan din ako ng OTWOL so nanonood ako ng show. ‘Yun nakakatuwa lang na ako ‘yung kumanta ng theme song ng sobrang gandang series,” dugang pa niya.

Giangkon ni Kyla  nga nakulbaan pa siya kaniadto sa dihang wala pa gi-record ang version niya sa maong kanta gumikan kay nasayod siya nga ilado  na sa  kadaghanan ang hugyaw nga version ni Regine Velasquez sa maong awit.

“At first you know when they told me I was going to record the song I was a little hesitant because the song was recorded by ate Regine (Velasquez),‘ yung version niya kahit simula bata hanggang matanda sobrang tatak na tatak ‘yun and it was such a challenge for me and for us in Star Records kung papaano namin kakantahin ‘yun na magiging sarili kong version ‘yung kanta,” saysay pa sa singer.

Mahal ug non-showbiz BF nagpakasal

Gikasal niadtong  November 2, All Souls’ Day, ang 40 anyos nga komedyanteng aktres nga si  Mahal ngadto sa iyang  25 anyos nga  boyfriend nga si Jobbie Hebrio.

Kanhi merchandiser sa usa ka supermarket ang bana ni Mahal ug nahitabo ang ilang kasal  sa Quezon City Hall nga gitambongan mismo sa  ilang mga higala nga sila si  Quezon City First District Councilor Victor Ferrer ,  Mae Rivera ug  Kissa Kurdi.

Nasayran nga wala’y tulog si Mahal atol sa adlaw sa ilang kasal gumikan sa ka-excited  niini ug sadya kaayo ang nahitabong seremonya ug sa  farm sa higala nila nga konsehal ang wedding reception . 

KC gipasidunggan sa NY

Nakadawat og award si KC Concepcion isip Outstanding Filipino-American partikular na sa Special Huma­nitarian category gumikan sa mga programa niya alang sa mga  kabos ubos sa World Food Program sa United Nations.

Ang maong kalihukan gipahigayon sa Carnegie Hall  sa New York niadtong October 31 ug personal gyud nga gidawat ni KC ang iyang award.

Dako ang pasalamat sa aktres sa nadawat niya nga pasidungog ug gipasalig niya nga magpadayon gihapon ang iyang adbokasiya.

Sa dihang naa pa sa high school  ang aktres , nakakita na siya kaniadto sa UN Headquarters sa dihang miuban siya sa field trip ug nakaingon siya sa iyang kaugalingon, nga mobalik gyud siya sa maong dapit aron moalagad ug natuman gyud kini sa dihang nag-edad na siya og 22.

“And exactly 10 years later, at 22, my dream came true through the U.N. World Food Program (W.F.P.) to be surrounded by real-life heroes is humbling empowering inspiring,” matud pa ni KC.

Nagmaya ang fans ni KC gumikan kay bisan pa man nga dili kaayo visible ang ilang idolo sa telebisyon, apan dakong garbo nga nakaangkon kini og pasidungog gumikan sa pagtabang niya sa iyang  isigkatawo.