Happy Birthday to me!

Happy Sunday mga SKB! Very happy gyud ang inyong Mother Butanding tungod kay kagahapon ang sumad sa akong adlaw natawhan. Unsaon gyud pag announce? Hahahhahaha! Tagai nalang ko ninyo og chance tungod kay nag-awas-awas sa kalipay ang akong gibati. Karung tuiga bisan pa man sa mga pagsuway nga akong mga naagian, nagpabilin kung lig-on. Mao nga salamat kaayo’g dako sa Kahitas-an sa mga panahon nga halos gusto nako mo give up apan basta mag-ampo ug mangayo og tabang ni Lord ang tanan makaya nimo. Siguro mingawon ko sa mga video greetings ug birthday celebration nako sa kanhi nako nga show, ang BuenaMano Balita. Bisan nawala ang maong programa nag-abli kini kanako og kahigayunan nga pwede diay ko magsugod sa akong gamay nga negosyo, ang YurEventAndProductions. Bag-o pa lang kini apan dako ang among pasalamat nga hinay-hinay duna na’y mga kumpanya nga nisalig sa among team. Makalingaw kay kuyog nako sa maong gamay nga events group namo ang mga Gay’s Unlimited sa Englis, ang grupo namo nga mga Destiny Rose. Ang pagbalik nako sa GMA Central and Eastern Visayas isip Sales Producer niabli sab  kanako og kahigayonan nga makita sa telebisyon pinaagi sa segment sa 24Oras Central Visayas— ang pagrumbo sa mga panimalay pinaagi sa House Attack. Ang pagpanghatag og kalingawan sa mga Kapusong Cebuano nagpadayon! Salamat Lord! Salamat Kapuso Network! 

Sa inyong pagbasa karun, ang inyong Yur’s truly kay naglawig padung sa Negros Occidental para didto ko magKalag-kalag ug tungod kay akong birthday makakaon ko og manok bisaya nga dunay kapayas ug kamunggay, kangkong, valenciana nga akong mga paborito nga pagkaon basta naa sa Negros akong beauty plus naa akong Tita Luvis ug mga ig-agaw. Mao nga bisan pa man sakay pa sa tanang sakay. Kever! Go lang gyud! Tungod kay adlaw natawhan man nako tuguti ko ninyo sa pagpaambit sa mga gamay nako nga nadawat ug gusto nako madawat pa hahhahahahahahahahaha!

1.       Gipangayo nako ang tarpaulin nga gigamit nga backdrop sa pag-ari ni Pambansang Bae Alden Richards  sa usa ka mall.

2.       Gipangayo nako ang gamay nga tarpaulin ni Alden pag Bet ng Bayan.

3.       Unya ang video greetings ni Alden nga akong e-post sa akong FB, Instagram, Twitter nga basta feeling stress ko akong tan-awon mo smile dayon ko hihihihi.

4.       Nagpasalamat ko nga nakabonding nako ang mga Gays Unlimited tungod kay birthday man pud ni Mamu Jacky King naki hitch ko hahahha!

5.       Nakabalhin nako sa Englis V Rama diin ko nagdako, mao nga everyday happy.

6.       Gamay nga salo-salo sa Lapu-lapu bisan sa mubo nga panahon kay kani lagi nanginabuhi ta!

7.       Gusto ko makapalit og album ni Alden Richards ug November issue sa mga magazines nga naa si Pambansang Bae.

8.      Sa inyong mga greetings ug regalo Daghang Salamat!

Kining mga materyal nga butang lumalabay lang pero ang akong birthday wish kay maghinaut ko nga tagaan pa ko og taas nga kinabuhi para makatabang sa akong pamilya ug sa mga nagkinahanglan sa akong tabang. Salamat Banat Hugyaw sa kahigayonan nga inyong gihatag kanako ug sa mga Banat Hugyawatics salamat sa inyong paghimo kanakong parti sa inyong kinabuhi!