James Reid magpapakilig sa Your Face…

MANILA, Philippines – Mapakilig kaya ni Sam Concepcion ang mga ma­­nonood gaya nang pagpapatili ni James Reid sa kanyang mga tagahanga? Alamin ngayong weekend (Oct 31 at Nov 1) sa top-rating na Your Face Sounds Fa­miliar kung saan susubukin kopyahin ni Sam ang boses at galaw ni James. Bukod pa riyan, bibisita rin sa set si James upang suportahan si Sam, magsa-sample ng kanyang talent, at makikipagkulitan din kay Melai Cantiveros na lalabas bilang ang fictional charac­ter na si Charky. Bukod kay Sam, dapat ding abangan ang performances ni Kean Cipriano bilang si Anthony Kiedis ng Red Hot Chili Peppers, Myrtle Sarrosa bilang Kuh Ledesma, Michael Pangilinan bilang Hajji Alejandro, Eric Nicolas bilang Claire Dela Fuente, KZ bilang Abra, Denise Laurel bilang Toni Braxton, at Kakai Bautista bilang Jennifer Holliday. Huwag palampasin ang all-new season ng Your Face Sounds Fami­liar,  tuwing Sabado pagkatapos ng Malaala Mo Kaya at tuwing Linggo pagkatapos ng Rated K sa ABS-CBN.

Kris bernal, inaming hindi biro ang gumanap ng may intellectual disability

Simula noong unang araw ng taping ng Little Nanay ay napatunayan ni Kris Bernal na napakalaking challenge ang gumanap na may intellectual disability. Kailangan daw talagang mag-immerse siya sa kanyang karakter. Kaya naman labis ang pasasa­lamat ni Kris sa lahat ng mga kasama niya sa trabaho dahil mas napapadali ang kanyang pagmo-motivate sa sarili at sa suporta at tiwalang ibinibigay nila sa kanya.