ZsaZsa ug Conrad engaged na!

CEBU, Philippines - Mapasigarbohong gipakita ni Zsa Zsa Padilla ang engagementring gikan sa iyang boyfriend nga  architect  nga si Conrad Onglao  atol sa press conference sa “ASAP 20 Live in London”.

Matud pa sa 51 anyos nga singer, niadtong August 30  nahitabo ang pag-propose ni Conrad  sa dihang wala pa  siya molarga paingon sa London.

Sunod tuig magpakasal ang duha ug mahitabo kini didto sa Italy.

Giangkon  ni Zsa Zsa  nga naghuwat na lang siya ug anak niya nga si Karylle sa  tradisyonal nga pagpamay ni Conrad.

Malipayon ang singer nga maayo ang tinagdan nila sa kanhi asawa ni Conrad nga si Ivy Almario nga usa ka interior designer.

Aduna’y duha ka mga anak nga lalaki sila si Conrad ug Ivy ug legal na ilang panagbuwag. (Sanden J. Anadia)