Palaman time
CEBU, Philippines - Kalami ikaon og burger. Bisan kinsa kanato ganahan gyud nga pure beef gyud ang ihaplag sa burger bun gumikan kay segurado gyud nga lami kini nga kan-on.
Puwes, kung duna mo’y bakante nga adlaw, mahimo mo nga mag-food trip sa inyong panimalay uban sa inyong pamilya o ba kaha mga higala.
Kalingawi ang pagbuhat og burger patty, ug ipalaman kini sa pan, busa siguradong mabusog gyud mo sa inyong food trip.
Bintaha gyud kaayo kung kamo ang mobuhat sa patty aron maseguro nga sakto gyud ang gisagol niini ug gamay ra pud ang inyong magasto. Gusto kita og pure beef busa dili na kinahanglan nga magbutang og harina gumikan kay mao kini ang makapatab-ang sa lasa kung mobutang ka niini. Sayon ra, five steps ra!
Mga sagol:
1 kilo ginaling nga karneng baka
1 itlog (large)
Pepper
Asin
Pamaagi:
1. Sa lawom nga sudlanan nga dunay gamay nga init tubig , isagol ang karne ug itlog
2. Ukaya og maayo hangtud nga molapot siya.
3. Ibutang dayon ang asin ug pepper ug ukaya na pud og balik aron molami og samot ang timpla.
4. Mahimo nga mogamit og hulmahan ug puwede ra pud nimo kamoton aron imo kini nga pormahon. Kung duna kay ibutang nga seasoning, depende ra nimo basta pasok kini sa imong panlasa.
5. Kung nahulma na, lutuon dayon kini sa nagbukal nga mantika. Inigkaluto, ihaplak dayon kini sa burger bun o ba kaha sa sliced bread.
- Latest