Adunay malisya?

CEBU, Philippines - Ginganlan gyud sa www.getitfromboy.net  sila si Jed Madela ug Darren Espanto isip mao matud pay gipasabot sa usa ka blind item sa usa ka sikat nga blog.

Suma pa sa getitfromboy, nga ang blind item daw nagpasabot nga didto si Darren natulog sa balay ni Jed makausa ka higayon ug nga matud pa, nikisikisi matud pa ang management gumikan kay una, gidungog nga bayot si Jed (gihimakak na ni sa singer), ug ikaduha, minor pa ang nahisgutang runner-up sa The Voice of the Philippines Kid’s edition.

Gitumbok sa getitfromboy nga gibutangan matud pa og malisya sa maong blog ang kasuod nila ni Darren ug Jed, diin gipasabot sab niini nga nabalaka matud pa ang management para kang Darren ug nga naningkamot matud pa ang tagdumala sa career sa bata nga singer nga dili magtakdo ang schedule sa duruha.