Very personal

CEBU, Philippines - Gibutyag ni Luis Manzano ang rason kung nganong iyang gibalibaran ang proyekto nga makauban ang iyang inahan nga si Vilma Santos ug uyab nga si Angel Locsin. Suma pa sa aktor, “I really have to decline kasi I will be working with my mom and my girlfriend. Parang masyado ng personal sa akin yun. Showbiz ako pero hindi ako showbiz, kumbaga. I treasure those relationships.”

Alex bag-ong Inday Bote

Gibutyag ni Alex Gonzaga nga na-pressure siya karun sa TV adaptation sa sikat nga salida kaniadto ni Maricel Soriano nga Inday Bote. Suma pa sa aktres, “Siyempre [sobrang pressure] pero hindi ko na iniisip yun. Ang hirap nun dahil yung original talaga is si Miss Maricel Soriano, Diamond Star. Ayaw ko na lang isipin. Thankful po talaga kami na naibigay sa amin itong project.”  Nasayran nga makauban niya dinhi silang Matteo Guidicelli ug Kean Cipriano.

Tom sa Walk of Fame

Malipayon ug dili katuo karon ang kapuso-aktor Tom Rodriguez human naapil sa mga artista nga gihatagan og star sa Walk of Fame Philippines karong tuiga. Lakip sa mga natagaan mao silang Jaya, Allan K, Cory Quirino, Carmi Martin, Dante Rivero, Daisy Romualdez ug ang youth Olympics gold medalist sa archery nga si Luis Gabriel Moreno.

Kuwang sa panahon

Gibutyag ni Slater Young nga nagbuwag sila sa iyang uyab nga si Rachelle Ann Go gumikan kay wala sila’y panahon sa usa’g usa. Nasayran nga ang duha nagkauyab sud sa tulo ka buwan apan nagbuwag niadtong March. Mao sa’y paglupad sa singer niadtong higayuna sa London alang sa Ms. Saigon.

Jason nangandam

Gipanghinaut ni Jason Abalos nga ang iyang uyab nga si PBB All-In housemate Vicky Rushton ang iyang makadayun. Nilanat na og usa ka tuig ang ilang relasyon karun apan iyang giklaro nga dili pa sila magpakasal. “Sa ngayon, sinisimulan ko na ring mag-ipon-ipon. Kumbaga, pinaghahandaan ko na rin. Hindi na rin naman ako bata, I’m 28 na rin naman” matud pa sa aktor.

Bag-ong proyekto

Malipayon karun ang Sugbuanon nga aktor Matteo Guidicelli gumikan kay human sa Moron 5, apil usab siya karon sa Inday Bote ni Alex Gonzaga. Ang duha kahinumduman nagkatrabaho na kaniadto sa “Let’s Go” ug “Go Kada Go” sa ABS-CBN.

Dagha’g sponsors

Gibutyag ni Yeng Constantino nga wala siya’y magasto sa umaabot niyang kasal tungod sa kadaghan nga ni sponsor apil na ang iyang wedding gown ug ang ilang honeymoon ni Yan Asuncion sa Maldives. “Yung sa kasal wala kaming ginastos. Everything was just provided by God and sponsors. Talagang sobrang blessed talaga ‘yung wedding namin,” suma pa sa maong singer.

Ryzza na crush ni Alonzo?

Daghan ang nahimuot tungod sa pagdumili sa pagtubag ni Ryzza Mae Dizon sa       pangutana kung na crush ba siya sa bag-o nga child star nga si Alonzo Muhlach. Si Alonzo anak ni Nino Muhlach ug kauban ni Ryzza sa filmfest movie nila ni Vic Sotto.

Posibleng ma-inlove?

“Hindi natin masasabi kung anong pwedeng mangyari, pero... ah, hindi ko pa po alam, kasi hindi nga po natin alam kung ano ang mangayayari sa future. Hahaha!” ang tubag ni Jennylyn Mercado sa pangutana kung aduna’y posibilidad nga ma inlove siya ni Derek Ramsay. Ang duha parehong single ug bida karun sa umaabot nga MMFF entry nga “English Only Please.”

Bongga ang choir

Giingong tulo kabuok grupo sa children’s choir ang mukanta atol sa kasal nila ni Marian ug Dingdong. Kini mao ang Hail Mary the Queen Children‘s Choir sa Immaculate Conception Parish sa Quezon City kung diin kaslon ang duruha; ang Ateneo Boys Choir sa Ateneo De Manila University; ug ang Coro San Benildo sa De La Salle-College of St. Benilde.

Kapusong Pinoy sa Singapore

Mipahigayon og Kapusong Pinoy sa Singapore sila si Dennis Trillo, Jonalyn Viray ug Betong kinsa bitbit ang iyang karakter sa Bubble Gang nga “Antonietta.” Mapasalamaton ang maong kapuso stars sa tanang fans nga mitambong.

Naghandum og baby girl

“Our ‘lil angel is a baby girl” ang anunsyo ni Cristine Reyes sa iyang instagram account niadtong Miyerkules kabahin sa ilang umaabot nga anak ni Ali Khatibi.

Cover sa FHM

Si LJ Reyes mao’y cover sa special edition sa FHM magazine karung buwana. Gipamatuod sa kapuso aktres nga aduna gihapon siya’y ikabuga sa pagpa-sexy bisan pa man og aduna na siya’y anak.

Perming sul-ubon

Giingong dako kaayo og gugma si Matteo Guidicelli ni Sarah Geronimo human nga permi niining sul-ubon ang ilang couple bracelet hangtod sa pagtulog.

Megan sa Oxford

Mipaambit og speech si Miss World   2013 Megan Young sa gipahigayon nga debate sa Oxford University. Atol sa iyang speech, iyang gipaambit nga wala gyud siya’y gusto nga muapil og beauty pageant kaniadto apan nakaamgo siya karun sa tumong kung nganong nahimo siyang Miss World 2013. (BANAT NEWS)