Kim at Xian na-tense sa masamang panahon
Na-tense kahapon ang mga taga-Star Cinema dahil hindi nakarating ang kopya ng pelikulang Past Tense nina AiAi delas Alas, Xian Lim, at Kim Chiu sa Visayas and Mindanao dahil sa masamang panahon. Kaya naman agad naglabas ng statement ang Star Cinema para manghingi ng pasensiya at sinisiguro nilang mapapanood na ang nasabing pelikula sa iba’t ibang probinsiya ngayong araw.
Kahapon lang nagbukas sa mga sinehan ang pelikula ng magka-loveteam na ayon sa mga nakapanood na ay kilig overload.
Ogie naalala pa kung paanong nagawa ang peksman
Nag-iimbita si Ogie Alcasid sa Sabado, November 29, sa isang bonggang throwback party – para namnamin ang mga magagandang kanta na may kasamang sayawan noong dekada 80 sa kakaibang concert na TBT (Total-Balik-Tugtugan) sa Main Ballroom of Solaire Resorts & Casino.
Kabilang sa mga kakantahin niya ang Growing Up na sumikat noong Bagets days. Kakantahin din niya ang mga pinasikat ng Culture Club, Naked Eyes, at Duran Duran na sobrang kinabaliwan noong nasabing era.
Pero pinaka-importanteng taon ang 1987 kung saan nag-umpisa si Ogie as professional singer at live performer. At hindi niya nalilimutan ‘yung panahong struggling singer pa lang siya at ang kuwento sa dalawang unang hits niyang Peksman at Ako’y Iyung Iyo.
Major highlight ng TBT ang Prom Song Medley Got to Believe and King and Queen of Hearts.
Pagdating sa romantic mood, babanatan niya ang Hey It’s Me, Leaving Yesterday Behind, Hindi Magbabago, at Maghihintay sa Iyo.
Siyempre hindi kumpleto ang reunion kung wala si Maestro Ryan Cayabyab.
Sa Music Museum ginanap ang unang throwback concert ni Ogie few months ago na super successful.
Kaya bitbitin na ang mga barkada para sa kakaibang throwback party.
Priscilla queen of the dessert may rerun sa Resorts World
May Dress and Technical rehearsal ngayong araw ang Priscilla Queen of the Dessert featuring Jon Santos, Red Concepcion and Michael Stuart Williams as the new Tick.
Dahil sa sobrang tagumpay at kabi-kabilang papuri sa musical play, magkakaroon ito ng rerun on November 28-30 and December 6-7 sa Newport Performing Arts Theater in Resorts World Manila.
- Latest
