Hugyawnatic

Dear Banat Hugyaw,

Maayong adlaw kaninyong tanan! Ako diay si John, 24 ug taga Cebu City ra ko. Mo-share ra ko sa akong mga kaagi sa gugma. Wala ko kasabot sa akong kaugalingon, kay bisan naa na ko'y uyab, dali raman gyud ko mapul-an uy, ilabi na kita og laing girl nga guwapa ug buotan sad kaayo.

Sama na lang sa kaagi nako sa akong ex-girlfriend nga si Ronalyn, guwapa kaayo ning bayhana.  Barkada si Ronalyn sa usa rapud nako nga kaila busa nagka-close dayon mi. Pareha mi nga single niadtong higayona, busa wala gyud magdugay og diskarte niya uy. Lahi gud si Ronalyn kay guwapa, unya buotan pa gyud maong dali ra kay ko na-attract niya.

Nagkauyab gyud mi ni Ronalyn pero tulo ra gyud ka bulan ang among relasyon kay napul-an man ko niya uy. Naabot ang time nga lahi nako og tinagdan niya, nakabantay siya nga wala nako'y gana kung magkuyog ming duha.

Hangtud niprangka na gyud ko  ni Ronalyn nga mas maayo nga mangita na lang siya og laing guy nga deserving sa iyang kasing-kasing. Kay nakonsensya man gud ko, dili nako kaya nga magplastikay nga mouban gihapon bisan wala nako'y gusto niya. Puwerting hilaka ni Ronalyn, pero unsaon taman, igo ra gyud nisulti kung unsay tinuod.

Duna ko'y laing nagustohan nga amiga ra pud ni Ronalyn, lain kaayo paminawon, pero dli man ko kaagwanta uy. Bahalag malain si Ronalyn, midiskarte gyud ko sa iyang amiga nga si Amay.

Pag-una, dili pa ganahan si Amay nga mo-entertain nako kay lagi maikog siya ni Ronalyn pero wala gihapon makapugong ang panahon, na-develop ra pud si Amay nako sulod sa duha ka buwan nga pagdiskarte nako niya.

Sweet kay ko ni Amay, ako siya permi ihatud sa ilang balay ug nagkauyab gyud mi. Pag-abot sa unom ka buwan murag napul-an nako og uyab-uyab. Nagkabuwag gyud mi ni Amay kay wala na gyud ko'y sparks niya.  Nakaingon ko nga immature pa gyud ko nga pagkatawo. Kontrahan na lang gud ko sa mga barkada nila ni Ronalyn ug Amay gumikan kay wala daw ko kwenta nga pagka-lalaki. Nakahukom na lang ko nga dili lang sa mag-uyab  uyab. Unya ra seguro ko mosulod anang butanga  kung andam na gyud ko. Mo-request lang ko og 'Break Your Heart' by Taio Cruz.

Daghang salamat John sa imong love story! Paabuta ugma puhon ang lyrics nga imong request!

Aduna ba kamoy LOVE STORY dear HUGYAWnatics nga buot ninyong paambitan? Ipalada kana pinaagi sa Facebook: [email protected] o email: [email protected]