Hugyawnatic

Dear Banat Hugyaw,

Ako diay si John, 24 years old,  taga Mandaue City, ako lang -ishare ang  paet nako nga kaagi sa akong  lovelife.

Naa ko'y naganahan nga girl nga ginganlan og Mariana, pareha ra mi og edad. Nagkaila mi kay gidala man siya sa akong friend sa usa ka laag.  Nagkasuod mi og maayo niya, labi ako siya permi ihatud inig pauli niya.  Sa duha ka buwan namo sa pagsige og uban, na-develop gyud ko ni Mariana kay grabe man gud siya kabuotan nga girl. Dili masuko ug taas pa gyud kaayo og pasensya.

Hangtud wala ko kaagwanta, nanguyab gyud ko niya ug dako akong pasalamat nga gisugot ko niya kay para nako, suwerte gyud kaayo ang guy nga mauyab niya. Kada buntag, dili gyud siya makalimot og text nako kung asa siya, tanang problema sa iyang pamilya iyahang isulti nako. Paraygon kaayo siya nga girl maong daghan gyud siya og friends.

Pag-abot sa duha ka tuig kapin namo, nagkahanap among relasyon kay talagsa na lang  kaayo siya mo-reply sa akong mga tawag ug text.

Ingon siya nga busy lang gyud siya sa iyang trabaho, kay nag-work man siya isip nurse sa usa ka public hospital sa Cebu City. Sauna magsige mi og kita kada adlaw, pero karon talagsa lang gyud , hangtud nahibaw-an na lang nako nga duna diay laing lalaki nga nag-iring iring kaniya apan ang nakasakit lang, kay iyaha kining gi-entertain.

Sakit man palandangon, apan ako na lang gidawat ang kamatuoran. Gipili ni Mariana ang maong lalaki ug iyaha kong gi-give-up. Tulo ka buwan nako nga wala'y uyab karon, murag na-trauma ko gamay anang uyab uyab. Close kaayo si Mariana sa akong family ug sa akong friends busa lisod kaayo siya kalimtan. Seguro maabot ra panahon nga maabot ang right girl para sa akoa. Usa sa kanta nga dili nako malimtan nga ma-relate sa among situation mao ang kanta sa The Script nga The Man Who Can't Be Moved.

Hi John!

Atangi ugma ang lyrics sa imong dili malimtan nga kanta, ang "The Man Who Can't Be Moved by The Script.

HUGYAWnatics, aduna ka bay LOVE STORY? Ganahan ka ba nga mupaambit niana? Ipada pinaagi sa email: [email protected] o sa Facebook:[email protected] Mahimo sab nga sukipan nimo og litrato nimo ug sa imong hinigugma nga sweet mo tan-awon sa usag-usa. Go na, LOVE STORY na!