Jen mikatawa lang
CEBU, Philippines - Gikataw-an lang ni Jennylyn Mercado ang report nga matud pa giparetoke niya ang iyang boobs. Suma pa ni Jen nga dili tinuod ang maong taho ug wala gyud masulod sa iyang huna-huna sukad niadto nga ipausab ang iyang boobs. "Grabe naman, hahaha," suma pa sa aktres.
Ronnie nakadaug sa barcelona
Nakugang si Ronnie Quizon sa dihang naabot kaniya ang report nga naangkon niya ang El Ray Award for Excellence in Acting in a Lead Role sa 2014 Barcelona International Film Festival alang sa indie film nga Rekorder. Muabot ngadto sa 50 ka mga nasud ang misalmot sa maong film festival kung diin ang mga mananaug niini gianunsyo lang pinaagi sa www.barcelonafilmfestival.com.
Dunay nakat-onan
Giangkon ni Lauren Young nga daghan gyud siya og nakat-onan kang Richard Gutierrez kalabot sa ubang estilo sa pag-arte. Nakaingon si Lauren nga maayo gyud nga aktor si Richard gumikan kay kalmado ra kaayo kini sa bisan unsa nga eksena. Ang duha nag-uban sa pelikulang Overtime sa GMA-Films ug ubos kini sa direksyon ni Wincy Ong.
Sayo malantawan
Nakahukom ang TV5 nga ibutang na sa alas singko sa hapon matag Dominggo ang time slot sa programang "Jasmine". Kahinumduman nga makita niadto sa alas 10 sa gabii ang maong programa nga gibidahan ni Jasmine Curtis Smith.
Aga hulipan ni ogie
Gikatahong mibalibad si Aga Muhlach nga magpabilin isip host sa sunod nga season sa programang Let's Ask Pilipinas sa TV5. Nitumaw ang istorya nga si Ogie Alcasid maoy ihulip ni Aga isip host sa maong programa.
- Latest
