“Dont Fit In Stand out!

CEBU, Philippines - Kinahanglan nga mapaubsanon ug dili gyud mausab ang batasan. Mao kini ang baruganan sa usa sa mga sakop sa K-Boyz nga si Fidel Cascabel kinsa kaantigo nga modala sa iyang oras bisan pa man sa iyang ka-busy.

Bag-ohay lang mitapos si Fidel sa kursong BS- Medical Technology sa Velez College.

"Bisag busy ko I always see to it nga makatuon ko, sometimes akong trabaho kay mahuman og 9pm-10pm so I just have to study and focus from 10pm-2am. Di man gud ko mutuo anang kinahanglan nga whole day magtuon gyud kay para nako,  you just have to study hard and study well, though na sacrifice akong social life kay gibalanse nako ang work ug studies pero worth it ra gud siya kay naka-graduate ko unya kita jud ko sa kalipay sa akong mama," saysay pa ni Fidel.

Kasamtangang nag-review si Fidel alang sa licensure examination sa medical technology.

Suma pa ni Fidel nga gusto gyud niya nga mahimong doktor sukad pa niadto gumikan kay gusto gyud niya nga makatabang sa pagluwas og kinabuhi sa tawo.

Bisan sa kadaghan niya nga giagian sa iyang pagtungha, mipatigbabaw gyud ang naa sa iyang huna-huna nga mahimong doktor sa umaabot nga mga panahon.

Nagkanayon si Fidel nga basta duna'y dedikasyon ang tawo sa iyang gibuhat, seguradong magmalampuson gyud kini ug makab-ot ang positibo nga resulta.

Usa sa gipasigarbo ni Fidel mao nga nagpabilin siya nga matinagdanon ngadto sa iyang isigkatawo.

Kasamtangang malantawan si Fidel sa programang Kapamilya Winner Ka matag Sabado sa ABS-CBN Cebu.

Q and A

Banat News Hugyaw: Sa matag kanta nimo atubangan sa mga tawo, unsa nga mga preparasyon nga imong buhaton sa dili pa ka mosaka sa entablado?

Fidel: Mag- warm up gyud sa dili pa ko mo-perform ug mag pray gyud ko ug akong ihalad akong  performance ngadto sa Ginoo.

Banat News Hugyaw: Unsa imong feelings sa kalampusan sa imong grupo nga gitawag og K-Boyz?

Fidel: Proud kaayo ko sa among achievements unya malipay jud ko og maayo everytime nga makadungog ko sa among songs nga i- play sa radio. Mura ko’g makaingon sa akong self nga worth it ang long hours sa recording studio.

Banat News Hugyaw: Nganong naabot ka sa K-Boyz?

Fidel: I auditioned for the spot. They already had two guys Daryll Carillo and Joseph Teves and they were looking for a third one, so my coach, Jay Unchuan, urged me to audition and I got the part

Banat News Hugyaw: Mga dili nimo makalimtan nga hitabo sa imong kinabuhi?

Fidel: As of this moment, most unforgettable experience ang ni-graduate ko kay nindot kaayo ang feeling pagkita nako sa akong mama kay proud kaayo and happy kaayo siya tan-awon samtang nakakita siya nga nipaso ko para modawat sa akong diploma.

Banat News Hugyaw: Aduna na ba'y problema nga hapit naka mo-give up?

Fidel: Oo, ang time  nga pressure ko sa school  ug sa work , pero nakaya raman diay. Important era gyud ang balanse sa oras.

Banat News Hugyaw: Kanus-a ka makaingon nga kontento na ka sa imong tingog?

Fidel: Never ko nakontento kay bisa’g unsaon ganahan pa gyud  ko ma -improve o ganahan ko nga mamaayo pa gyud akong tingog.

Banat News Hugyaw: Kanus-a nimo nadiskubrehan nga duna kay talento sa pagkanta?

 Fidel: When I was a kid, magsige ko’g kanta sa akong kwarto labi na kung mutukar ang songs sa Backstreet Boys , Nsync ug Michael Jackson, mokanta gyud  ko og  kusog kaayo ko mangilog og microphone.

Banat News Hugyaw: Pila imong edad nga nag-apil apil ka og singing contest?

Fidel: Katung 15 years old pa ko, niapil ko sa  Sinulog Idol .

Banat News Hugyaw: Unsay imong reaksyon sa imong mga "haters" nga kanunay mosaway sa imong tingog?

Fidel: I can't please everybody, kung unsa ilang isulti nako. I take it as constructive criticism, dili man ko masuko, ako siya nga himoon nga inspirasyon para matarong nako ang akong pagkanta.

Banat News Hugyaw: Kinsa ang gipangandoy nimo nga maka-duet puhon sa usa ka song number ug nganong siya man?

 Fidel: Ganahan ko nga maka -duet si Jay-R kay since bata ko,  siya gyud akong idol. I'm a fan of RNB nga genre man gud so if mag- duet mi that would be a dream come true.

Name:  Fidel C.

Cascabel Jr

Nickname:  Fifi

Age: 20

Date of Birth:

May 2, 1994

Nationality:  Filipino

Favorite song:  All of Me by  John Legend

Favorite movie:  X-Men

Celebrity Crush :

Julia Montes

Motto: "Stop trying to fit in when you were born to stand out!"

Pinaspasay

Angel Locsin or

Maja Salvador?  

Maja Salvador

One Direction or A1?   A1

Beer or gin? Gin

Apple or guava? Apple

Pool or beach? Pool

Coffee or Hot choco? Coffee

Looks or attitude? Attitude