Chill ra sila

CEBU, Philippines - Maayo na gayud ang kabubut-on sa usa’g-usa nila ni Kris Aquino ug sa iyang kanhi bana, ang basketbolistang si James Yap.

Gi-upload kining maong hulagway ni Kris sa iyang IG account niadtong Biyernes ug adunay caption nga:"Cool lang kaming lahat. Advanced Happy Father's Day James," ug gipakapinan pa og smiley.

Kasamtangang naduslak ang pagbati ni Queen of All Media gumikan kay hingpit na nga gituldukan ni Quezon City Mayor Herbert Bautista ang posibilidad nga malugwayan pa ang ilang panaghigugmaay. Namahayag si Bautista sa ABS-CBN news program Bandila niadtong Biyernes nga gihigugma niya ang iyang mga anak. Kahinumduman nga supak ang mga anak sa mayor sa hamubong relasyon niini ngadto kang Kris.

Paghimo mo'g inyo!

Dili bukas si Kuh Ledesma nga adunay laing tawgon og "Pop Diva." Suma pa niya, maghimo na lamang og title para sa uban. ""Ang feeling ko lang, every artist should have their own legacy, their own hit songs. Dapat hindi kinu-compare, kasi every person, kahit saang mundo [a person] is never similar to anyone," nagkanayon siya atol sa launching sa iyang latest album, "Memories."

Privately personal

Buot ni Gerald Anderson nga magpabiling pribado ang relasyon nila ni Maja Salvador gumikan kay personal matud pa kini nila nga kinabuhi. Apan may mga netizen nga nireact nga matud pa, giantos lamang ni Maja ang pagkahimababaye ni Gerald, aron dili mauwawan ang aktres.

First time ni JC

Mapasigarbuhon kaayo si JC de Vera kay human sa pipila ka tuig na niya nga pag-artista, karong panahona pa lamang siya nakasinati nga nag-number one ang iyang nasalmutan nga teleserye ug nag-trending pa worldwide. Kini pinaagi sa The Legal Wife sa ABS-CBN nga nanamilit na niadtong Biyernes sa gabii.

Happy and Proud

Giangkon ni Sarah Geronimo nga malipayon siya ug mapasigarbuhon sila ni Matteo Guidecelli sa unsa man gani ang naglambigit karon kanilang duruha. "Proud naman kasi kami talaga," reaksyon ni Pop Star Princess kabahin sa mga nagbaha nga sweet moments karon nila ni Matteo sa nagkadaiyang social networking sites.

Mr. World 2014

Sila si Miss World 2013 Megan Young ug Mr. World 2013 semi-finalist Frankie Cena maoy mga hosts sa Mr. World pageant didto sa England karong gabii. Ang model nga si John Spainhour maoy pambato sa Pilipinas.