Sandara miangkong "loveless"
CEBU, Philippines - Gibutyag ni Sandara Park nga wala siya'y uyab karong panahona ug pabilin bukas ang iyang kasing-kasing nga mosulod og relasyon.
Nitikang ang Korean star dinhi sa nasud alang sa concert sa iyang grupo nga 2NE1 karong gabii sa Mall of Asia Arena.
Sa interview niini sa Aquino and Abunda Tonight sa miaging gabii, gipadayag ni Sandara nga bisan pa man sa kataas na sa iyang naabtan, dili gyud siya makalimot sa Pilipinas gumikan kay dinhi nagsugod ang iyang career.
Kalabot usab sa hulagway nga gihagkan siya ni Justin Bieber , gisaysay ni Sandara nga nagpa-picture siya sa singer sa dihang nag-concert kini sa South Korea.
Samtang giklaro usab niya nga managhigala lang sila ni Korean actor nga si Lee Min Ho. Kahinumduman nga na-link ang duha human sila nagkauban sa usa ka commercial.
Jewel ug Kim Sam Soon ibalik
Gikatakdang ipasalida og balik sa GMA7 karong May 26 ang mga karaang Asianovela nga Jewel in the Palace ug My Name is Kim Sam Soon.
Nasayran nga nagkauso na karon nga isalida og balik ang mga karaang Asianovela sama sa nahitabo sa Meteor Garden ug My Girfriend is a Gumiho sa ABS-CBN nga gikagat gihapon sa publiko.
- Latest
