Camote Overload

Kusog kaayo ko mukaon og camote, ilabi na karon nga nauso na ang diet churva. Camote or sweet potato is very good for the body because that is fiber. So hugyaw na pang-diet kay nindot kaayo ka og release ana first thing in the morning. Pero mga tulo ra na ka oras mulungtad ang kabusog nimo nianang camote, so kinahanglan nga dili ra kana maoy imong saligan. Anyway sa sunod higayon na lamang kita maghisgot nianang diet-diet churva kay manghambog sa ko sa akong gipangkaon sa nilabay nga Huwebes ug Biyernes Santo. Pakkk!

First nahugyaw ko sa baligya sa among kauban diri sa The Freeman nga si ate Liezel uy kay nilusak nga camote. Lahi ra siya og proseso sa nilusak nga saging. Una panitan ang camote, hugasan, unya cut into small pieces aron dali maluto. Lung-aga unya kun maluto na, iyabo ang sobrang tubig unya masaha dayon, butangi og asukar ug lubi.Sabawi og gamay, itak-ang og balik, ukaya hangtud nga mauga na or wala nay sabaw.  Pormaha na dayon depende sa imong gusto. Lami kaayo infairness! Pwes gibanatan nako og kaon niadtong Miyerkules Santo kay tag-P5 ra man pud ang buok. Pakkk!

Pagka Huwebes, kay wala namay trabaho maoy nisantop sa akong hunahuna nga maghimo og ice candy. Apan kinahanglan nga talagsaon ang akong ice candy, lahi sa naandan. Ug sa dihang nakahinumdom ko nga naa man diay koy lima ka kilo nga camote nga pinalit nako ni ate Liezel, tam-is ra ba kaayo. Pwes, time to experiment! How about ice candy camote flavor? Pwes, may I rampa gyud dayon to buy the ingredients sa akong buot-buot nga flavor...Camote ice candy with cheese and condensada! Pakpak!

Una lung-aga ang camote. Kun maluto na, pabugnawa unya dugmuka (akong gisuwayan pagblender, dili man effective uyy). Kun dugmok na, ibutang sa pitcher or bowl unya butangi og tubig, isagol ang condensada, asukari. In short, timplahi ug banabanaa ang katam-ison. Afterwhich, isagol dayon ang cheese nga gipinopino nimo. Tadang, isulod na dayon sa wrappper aron pagahion na. Tilawi dayon after several hours, lami lagi mura’g ice cream! Pakpak!

Pero kun ibaligya nimo, i suggest, powdered milk lang gamita kay alkanse kas condensada uy, mahalon sab baya. Hahaha. So pagka Biyernes Santo, judgement day na dayon!  Akong gipanghatag sa mga silingan ang uban, unya ingon sila lami man kuno. Aw diay, pwes lalison pa nako sila nga gilamian man sila? Awww!

Pwes, kun ganahan mo mu-order og nilusak nga camote or camote ice candy with cheese and condensada, text me lang kay hatagan mo nako og special offer. Hahaha! Bitaw mag-sharing ta og original recipe uy, para magluto-luto ta kun walay trabaho. Experiment ba, mugna-mugna aron naa kitay daghang makat-onan. Sharing is a thing of beauty baya. Aww!

Pwes, i-text inyong original recipe diri: 0939-1316599. Butangi og name and address imong message, okay? Go go go na!