Yolanda coverage sa GMA nakadaug sa New York
CEBU, Philippines - Makadawat og pasidungog ang GMA-7 sa George Foster Peabody Award gumikan sa ilang special coverage sa dihang miigo ang bagyong Yolanda dinhi sa nasud sa miaging tuig.Ang awards night mahitabo karong May 19 sa Waldorf-Astoria sa New York City.
Suma pa sa statement sa maong award giving body nga bisan pa man sa dakong hulga nga giatubang sa news team sa GMA, mihatag gihapon kini og lapad nga update sa kalamidad nga niigo sa Pilipinas. “Facing logistical challenges and sharing in the national shock in the face of what may have been the most powerful typhoon in history, GMA news teams provided desperately needed spot news coverage and information, gaining strength and perspective as they worked, and followed up with solid reporting on the aftermath, heroic acts and relief efforts,†tipik sa mensahe sa Peabody Awards Board. Ang entries sa GMA nagikan sa news items sa 24 Oras, Saksi, State of the Nation ug Kapuso Mo, Jessica Soho.
Lakip sa makadawat og pasidungog sa Peabody Awards karong tuiga mao ang mga seryeng Breaking Bad, House of Cards, Orange is the New Black, tulo ka mga programa sa HBO, tulo ka mga programa sa PBS ug personal alang sa journalist nga si Tom Brokaw.
Kahinumduman nga nakabaton na og pasidungog ang GMA Network sa Peabody Awards niadtong 1999 gumikan sa mga episode sa I-Witness nga “Kidneys for Sale†ug "Kamao". Nakadaug usab sa maong tuig sila si Jessica Soho ug Jay Taruc gumikan sa ilang child labor story nga “Brigada Siete.†Samtang ang episode ni Kara David sa I-Witness nga "Ambulansya de Paa" nakadaug usab niadtong 2010 ug gisundan kini sa "Salat" episode sa Reel Time sa miaging tuig.
- Latest
