Kris nag-iikot sa mga aktor

Hindi na naman daw si Mayor Herbert Bautista kundi si Derek Ramsay ang bago ng presidential sister na si Kris Aquino. Sinasabi ng marami na hindi raw nagklik sina Mayor at Kris kaya move on na naman ang napaka-eligible na babae. ‘Yun nga lang ang mga naglalabasang lalaki kuno niya ay sorpresa sa marami.

Pagkatapos ni Bistek na maski ako ay tala­gang ayaw maniwala, sa Kapatid actor naman siya pagpipistahan sa mga susunod na araw. Ba­gaman at nauna nang itinanggi ng aktor ang pagkakaroon nila ng romansa, walang pagtanggi na nagmumula sa account  ni Kris sa Internet. Sa halip, walang patu­mang­­gang pasasalamat sa aktor ang binabanggit niya dahil sa pagkakaroon nila ng koneksyon nung mga panahong kailangan niya ng makakasama.

Lisa pinu-push ng kapamilya

Mukhang si Lisa Soberano ang nagpapamalas ng kagalingan among the newest Star Magic artists na inilunsad kamakailan lamang. Aside of course kay Julia Barretto na natuloy din finally ang pagbibida sa sarili niyang teleserye. Si Lisa, kasama si  Enchong Dee ang tampok na tambalan sa Maalaala Mo Kaya ngayong Sabado, Abril 5. Gagam­panan nila ang mga karakter nina Jhonny at Aileen na nagkahulugan ng loob sa kanilang summer job. Totoo bang mabilis magkasawaan ang mga magkasintahang palagiang magkasama?

Tampok rin sa MMK sina Marc Solis, Jon Lucas, Hyubs Alarcon, at Ber­nadette Allyson. Ito ay sa ilalim ng direksyon ni Mae Czarina Cruz.

Showbiz writers pabongga ang career

Always proud ako sa mga kapwa ko entertainment wri­ter na umaangat sa kanilang tra­baho at na­giging malaki at sikat pang personalidad bu­kod sa pagiging movie wri­ters. Tulad nina Boy Abunda, Ricky Lo, Cristy Fermin, at Aster Amoyo na mga sikat nang TV hosts ngayon. Artista na rin ang katotong Ogie Diaz, mga awtor ng libro  na sina  Dindo Ba­lares at Boy Villasanta. Naging Brgy. Captain  naman sina Jun Nardo at ang namayapa nang si Fely Igmat. Naging Kagawad sa kanilang lugar sina Ogie Ignacio at Jimmy Escala, mga direktor na rin sa pelikula ngayon sina Sandy Es Marianao at  Benny Andaya.

Maituturing na pinakabun­so sa mga entertainment wri­ter achievers ay ang trio nina Rodel Fer­nan­do, Rom­mel Placente, at Mildred Bacud na ngayon ay ka­bilang sa mag­papatakbo ng pinaka­ba­gong showbiz publication sa internet, ang Philippine Showbiz Republic na pamumunuan ni Rodel bilang editor-in-chief. Sina Mildred at Rommel ang mga executive editors niya. May ikaapat na miyembro ng editorial staff, si Marla David na tatayong head ng editorial advisory board.

Bagaman at medyo may katagalan nang mo­vie  wri­ters ang tatlo, unang pagkakataon nila ito na ma­upo sa editorial  board at nangakong lahat ng ila­labas nila ay hindi tsismis lamang kundi based on facts and bounded by principles. 

Exhibit ni Kuh sa white space…

Sori pero mali ‘yung nailagay kong lugar na pagtatanghalan ng 2nd painting exhibit ni Kuh Ledesma sa  April 8 na may pamagat na The Beauty of Purpose. Hindi ito magaganap sa Hacienda Isabela kun­di sa Whitespace Makati.  Ang concert niyang Amazing Love sa April 19 ang  may venue na Hacienda Isabela.